Lori Partidu Ba Oin, FRETILIN Dili Husu Liderança Troika Promove Diálogu Permanente

SAPNewsTL, Dili : Liu husi Komunikadu Imprensa, Estrutura Partidu Frente Revolucionário do Timor-Leste Independente(FRETILIN), Munisipiu Dili nia Porta Voz Antonio Moniz Calau husu Liderança Troika Partidu FRETILIN hodi sólidu no promove dialogu permanente, Nune’e bele Lori FRETILIN ba oin

“Partidu FRETELIN mai ho prinsipiu Konstrutivu, ami hotu harakak, Fo konfiasa tomak ba kamarada lideransa TROIKA atu solidu no promove dialogu permanente hodi dirije no orienta nafatin FRETILIN atu La’o ba oin no promove rekonsiliasaun interna hodi halibur fali antigu kuadru FRETILIN nian, hahu hosi antigu Kuadru sira iha 1975 to’o ohin loron”. Tenik Porta Voz Antonio Moniz Calau Liu husi Komunikadu Imprensa iha Comitê Central de FRETILIN, Dili,13/06/2023

Nia mos husu ba kuadru militante partidu historiku ne’e atu respeita rezultadu V kongresu Nasional no V konferensia nasional FRETILIN nian. Dezententimentu internu iha partidu laran, rezolve liu husi dialogu, estrutura formal partidu nianKoordenador Munisípiu Dili ne’e husu ba militante sira atu hato’o lamentasaun ka insatisfasaun relasiona ho rezultadu eleisaun parlamentar, militante hotu-hotu FRETILIN nian iha munisipiu Dili atu rezeita kualker deskriminasaun rasial, rezionalismu no rezeita hahalok sira ne’ebe la hametin koezaun iha partidu no la tuir prinsipiu no valor sira ne’ebe FRETILIN defende.

“Iha biban ne’e hau lori estrutura kuadrus FRETILIN, Munisípiu Dili, Apela ba kuadru no militante hotu-hotu FRETILIN nian iha Munisípiu Dili, atu mantein hakmatek no fiar deit ba estrutura partidu nian hosi nasional to’o baze,ne’ebe demokratikamente hetan fiar hosi kongresista sira iha V kongresu Nasional FRETILIN nian hodi fo solusaun ba problema sira partidu nian tuir deit estatutu,regulamente no rezolusaun sira ne’ebe regula funsionamentu Partidu FRETILIN nian”.Hakotu nia

Jornalista: Marcela Mery da Costa