Polémika Mina Menuz, Komunidade Sira Kontinua Forma Naruk Iha Ukun Plataforma
SAPNewsTL, Dili : Relasiona ho Informasaun Gasolina Menuz iha Stock ka Sentru Distribuisaun Gazolina ne’ebé Durante Loron haat ne’e halo ema hotu preokupa, Iha Kalan Maiz Ou Menuz Tuku Sanulu Komunidade Sira Kontinua Forma Naruk hodi ense mina ba Motor no Karreta Sira
Iha Intervista ho Sidadaun Januário Dias Ferreira haktuir polêmika Gazolina menuz ne’e difikulta tebes komunidade sira tanba kalan tuku 10:00 mos ema kontinua forma naruk hodi ense mina
“Polémika Mina Menuz, Ami preokupa teb tebes tanba situasaun ne’e difikulta tebes ami Komunidade sira mai forma naruk hodi ense Gazolina ba motor no Karreta hein kleur to’o tuku 10:00 kalan mos ema seidauk ense hotu”. Tenik Sidadaun Januário Dias Ferreira Atuàl Estudante UNTL ba SAPNewsTL iha Pertamina Fatuhada, Dili, 12/06/2023
Estudante UNTL ne’e Konsidera, Krize Mina Maran iha Sentru Abastesimentu Gazolina iha Dili ne’e sériu no Krusial tebes atu toma atensaun husi governante sira sira liliu parte Autoridade Nasionàl Petroleu no Minerais
Januário mos husu ba Guvernu atu Rezolve lailais problema Gazolina iha Timor Leste tanba situasaun ne’e sériu la halimar ba povu Kiik iha Baze
“Husu ba Guvernu atu Rezolve lailais problema Gazolina iha territóriu Nasional tanba ne’e afeta direita ba povu Kiik sira nia atividade sirkulasaun”. Sublinha Nia
Entretantu, situasaun ne’e mos akontese ba Sidadaun sira Pertamina Lurumata ne’ebe Komunidade sira obrigadu tenki forma naruk hodi ense mina
Iha Sorin seluk, ho situasaun krize mina ne’e, Komunidade balun ho água, Jerigen, galon ba sosa mina hodi rezerva no faan fali ho presu ne’ebé la tuir stanaderte ne’ebe iha
Antes ne’e, Primeiru Ministru Taur Matan Ruak mos husu ba Komunidade hotu atu labele pániku kona ba problema mina tanba Guvernu sei la dukur, wainhira mina laiha
Enkuantu, Orseik Dader Rô ne’ebé tula mina husi Rai Liur Mai Timor Atraka ona Iha Portu ETO Hera ne’ebe Hahú distribui ona ba Sentru Distribuisaun sira iha territóriu Nasional
Jornalista: Marcela Mery da Costa