Asidente Tráfiku ! Soke Mate CS, Família La Simu & Oho MS Iha Ermera

Imajem família Vítima CS ne’ebe oho MS iha Ermera, 26/08/2025. Foto : Média PNTL

SAPNewsTL, Ermera : Relasiona kazu Omicidiu Agravadu, soke mate CS & oho MS ne’ebé akontese iha data 25-08-2025, Aldeia Sosoher local Maudiu, Suku Rihei, Postu Administrativu Ermera, Munisípiu Ermera, Komandu PNTL Ermera asegura ona suspeitu hodi submete ba prosesu investigasaun.

Tuir informasaun ne’ebe SAPNews asesu liu hosi página PNTL, haktuir katak iha loron 26 Agostu tinan 2025, Komandante Polisia Nasional Timor-Leste (PNTL) Munisípiu Ermera Superintendente Polisia Ludgerio Picancio Madeira Lay ba direita iha fatin akontesimentu hamutuk ho Polisia Investigação hodi halo levantamentu dadus kona ba akontesimentu refere.

Xefé Investigação Munisípiu Ermera Inspetór Xefé Sudencio de Jesus deklara katak krime ne’e akontese inísiu husi asidente tráfiku entre kareta ho motor.

“Asidente tráfiku entre karreta no motor, rezulta vitíma ho inisiál CS Mate iha fatin, ho ida ne’e mak vítima nia maun suspeito ne’ebé nakonu ho emosaun lori tudik ba oho mate kedas vítima ho inísial MS ne’ebê hanesan Motorista ba Kareta refere”.

Sudencio informa, “suspeitu refere detein ona iha sela detensaun 72 horas hodi submete ba prosesu primeiro Interogatóriu”. Xefé Investigação Munisípiu Ermera Inspetór Xefé Sudencio de Jesus iha loron, 26/08/2025. Sita média PNTL.