Asina Akordu Ho Mídia 12 ! SEKOMS Deklara La Interven Polítika Editorial
Imajem : Sekretariu Estadu Komunikasaun Sosial (SEKOMS) Expedito Dias Ximenes asina akordu parseria servisu ho Media Nasional sira iha Palasiu Governu, 11/03/2025. Foto : Marciana da Conceição.
SAPNewsTL, Díli : IX Governo Konstitusionál liu husi Sekretaria Estadu Kominikasaun Sosial (SEKOMS), Hametin parseira ho media plataforma Digital saunulu resin rua (12).
Sekretaria Estadu Kominikasaun Sosial, Expeditu Loro Dias Ximenes hateten, objetivu husi asina akordu ne’e atu platarforma dijital sira bele habelar informasaun asaun governativa governu nian no mos aktividade sosial komunidade nian ba iha públiku.
“Objetivu husi assina akordu ida ne’e atu platarforma dijital sira bele habelar informasaun asaun governativa governu nian no mos aktividde sosial komunidade nian ba iha publiku liu husi meios komunikasaun sosial ne’ebe iha”.dehan SEKOMS Expedito Loro Dias Ximenes ba jornalista sira iha palasiu do governu, Tersa-feira, 11/03/2025.
Nia hatutan, SEKOMS reprezenta IX governo Konstitusionál hodi asina akordu ho media plataforma sanulu resin rua (12) liu husi Progrma tolu durante tinan ida.
“Ohin ne’e Sekretaria Estadu Kominikasaun Sosial representante IX governu Konstitusionál hodi asina akordu kooperasaun ho media plataforma sanulu resin rua (12) liu husi programa governo rona, haree rasik no Advertorial durante tinan ida”. Nia informa
Nia afirma, Iha redasaun orsamentu ba ministériu hotu-hotu tantu SEKOMS iha mos redasaun, nune’e akordu servisu hamutuk liliu iha programa prinsipal sira.
“Tanba iha 2025 iha redusaun orsamentu ba ministeriu hotu-hotu tantu SEKOMS mos iha redusaun, nune’e ita nia akordu servisu hamutuk ida ne’e mos iha redusaun liliu iha progrma tolu ne’ebe prinsipal ohin ita assina maka governu rona, haree rasik, no publisidade advertorial”.
“Governu rona ne’e ba iha televisaun media konvensional sira ne’ebe iha no haree rasik ne’e sei produs rasik husi SEKOMS, SEKOMS mos iha produsaun studio rasik, sira sei produs no fo ba jornalista online sira kolega sira mak sei halo iha sira nia plataforma dijital ida-idak nian, ohin marka tan passu ida ba governu tanba bele servisu hamutuk nafatin ho media plataforma dijital online sira hotu no ita hotu hein katak ita bo’ot sira nia servisu ba oin sei nafatin”.
Expedito deklara maske servisu hamutuk maibe sei laiha intervensaun ba politika editorial no garante independensia editoral.
“Mesmu governu servisu hamutuk no halo kooperasaun ida ne’e maibe governu la iha intensaun atu interven ba iha ita bo’ot sira nia politika editorial nian tantu politika, nafatin depende ba ita bo’ot sira nia politika editorial media plataforma ida idak nian maibe governu so husu katak bainhira atu fo sai notisia ruma nafatin respeita ba kode etika jornalismu nian”.
“Bainhira notisia ne’e atu fo sai tenki haree didiak no presiza investigasaun, la bele informasaun ida tama pois ita bo’ot sira fo sai kedas entaun bele hamosu duvida sosiedade nia leet tanba ne’e maka husu ba kolega sira molok atu publika notisia presiza halo investigasaun”.Nia husu
Governante ne’e afirma, IX governu mós servisu hamutuk ho konselhu imprensa atu bele fo formasaun ba jornalista sira ho karakter investigativu.
Enquantu, orsamentu ne’ebé governu atribui ba mídia sira liu hosi akordu ne’e hamutuk $ 60.000,00, kada instituisaun sei hetan osan depende ba sira nia produsaun.
Media nasioál sira ne’ebé asina akordu ho SEKOMS mak hanesan Grupu Média Nasionál Televizaun (GMN TV), TVE, SMNews, VIP TV, ONE Timor, Tatoli, Lafaek News, Lian Orluli, RTV, Media Mudansa, SAPNews, no Hatutan.Com.
Jornalista : Conzita Mota & Marciana da Conceição
