Assanami La Aseita Guvernu Seidauk Rezolve Passaporte, Koronel “SARAI” Mate Iha Ospitál
SAPNewsTL, Dili : Reasiona ho Tenente Koronel Deolindo da Costa Amaral “SARAI” ne’ebe hakotu iis iha Hospital Nasional Guido Valadares (HNGV) Dili tanba sofre moras iha ulun ka bembulu darah. Liu husi komísiu iha Munispiu Manatutu, Presidente Partidu Demokrátiku (PD) Mariano Assanami Sabino la aseita tanba guvernu la rezolve problema passaporte para lori nia ba halo tratamentu iha rai-liur
“Ita La Aseita, Veteranu Tenente Koronel Deolindo da Costa Amaral “SARAI” mate iha Ospitál, tanba deit guvernu la rezolve problema passaporte ho lailais, ita la aseita passporte uituan deit mos labele halo, ema moras lubuk ida atu ba rai-liur no joven sira atu ba servisu iha rai-liur, maibe la ba tanba passaporte laiha”. Tenik Presidente PD Mariano Assanami Sabino liu husi Komisiu iha Manatutu, 17/05/2023
Saudozu Tenente Koronel Deolindo da Costa Amaral “SARAI” mate iha loron segunda-feira tanba sofre moras ulun no bembulu darah, Saudozu Sarai hetan moras loron 28 Fulan Abril liu, ikus mai halo tratamentu iha Hospital Nasional Guido Valadares (HNGV) Dili, maibe la konsege salva nia vida, portantu Saudozu nia mate isin agora daudaun iha ona Postu Administrativu Luro, Munisipiu Lautem no sei hakoi iha Jardim dos Herois Metinaru Sexta-Feira, 19 Maiu 2023
Presidente PD ne’e hatutan, ba futuru passaporte ne’e tenki halo deit iha postu administrativu sira no Munispiu sira, nune’e povu bele asesu ho fasil
“Ita tenki halo passaporte ne’e to’o iha kraik, fasilita passaporte to’o iha Postu no Munisipiu sira”. Dehan Assanami
Entretantu, Antes ne’e traballador nain 30 ne’ebe atu desloka ba Australia mos kansela tanba passaporte mate, inklui traballador Timor oan nia passaporte barak mate inklui pasiente balun ne’ebe atu ba halo tratamentu iha rai-liur mos seidauk bele ba tanba laiha passaporte
Enkuantu, hafoin notisia ne’e tun, SAP News seidauk halo komfirmasaun ho parte ministeriu da justisa
Jornalista : Luis Pailofo