PLP Afirma Transforma Dolok-Oan Ba ASEAN Resource & Dili Sai Sidade Furak

SAPNewsTL, Dili : Partidu Lbertasaun Popular (PLP) hala’o komísiu iha Tasi-Tolu, Iha Diskursu Presidente PLP Jeneral Taur Matan Ruak haktuir wainhira PLP ba ukun sei desenvolve turizmu, transforma Dolok-Oan ba ASEAN Resource (Rekursu ASEAN)

“Foin daudauk ha’u ba Labuan Bajo, ema rihun rua mak ba partisipa iha ne’eba, ha’u lori ita nia rain sai observador iha ASEAN ba nasaun dala 11, Timor oan ita sei simu KTT ASEAN nian iha 2029, ita sei desenvolve turizmu, ita sei transforma Dolok-Oan sai ASEAN Resource (Rekursu ASEAN) tanba ita sei hetan osan, tinan hirak mai tan Dili sai sidade furak”. Tenik Presidente PLP Jeneral Taur Matan Ruak, liu husi Komisiu iha Tasi-Tolu, 17/05/2023

Lider PLP ne’e hatutan “Ita sai observador iha ASEAN ema fo rekezitu rua, katak imi nia Aeroportu tenki diak ne’ebe ita nia Aeroportu besik atu halo lansamentu, ita tenki halo terminal foun, ita nia infraestrutura tenki diak, hoteis, apartamentu, para bele halibur ema sira ne’ebe mai Timor, inklui bee moos ba sidade Dili ho osan 600 Milloens husi Estadu Unidos, tinan lima mai sidade Dili oin seluk,”. Nia dehan

Aleinde ne’e mos, Presidente PLP ne’e afirma sei halo uma rihun haat ka lima ba populasaun sira ne’e hela tasi-tolu, halo mos uma rihun rua ba po[ulasaun sira iha Ai-tarak laran, muda sira ba Suku Hera Postu Administrativu Kristu Rei

“Ita sei halo uma rihun haat ka lima ba komunidade sira iha Tasi-Tolu para sira hela, fatin ida ne’e ita husik para ita halo sidade ne’ebe mak Pelican Paradise sei halo, familia ne’ebe hakarak fila ba Munisipiu, estadu sei ajuda halo sira uma iha foho para sira hela, halo uma rihun rua ba populasaun sira iha Ai-tarak laran ba Hera”. Hatete Taur Matan Ruak

Jeneral ne’e mos hateten, Orgaun Soberania Estadu hanesan Primeiru Ministru, membru guvernu sira, no Parlamentu sei muda hotu ba Metinaru

“Primeiru Ministru, membru guvernu sira, no Parlamentu sei muda hotu ba Metinaru”. Nia sublinha

Entretantu, Iha Komisiu ne’e hetan partisipasaun maksimu husi militante no simpazante sira husi Postu Administrativu Dom Aleixo, Kristu Rei, Vera Kruz, Nain feto no Metinaru, Portantu, kampanha ne’e hetan observasaun husi observador nasional no internasional sira, hetan seguransa husi Polisia nasional Timor Leste (PNTL) no Batellaun Ordem Públika (BOP)

Jornalista : Ermelinda Soares