Komisiu Ikus Iha Manatutu, Assanami Alerta Ba Mate Restu Sira Fo Fiar Ba PD
SAPNewsTL, Manatutu : Iha Komísiu Públiku Partidu Demokrátiku (PD) ba dala ikus, Presidente PD Mariano Assanami Sabino alerta ba Mate rustu sira hotu hamutuk fo konfiansa ba PD hodi kria kondisaun alin ne’ebe sofre no terus nafatin, labele toba fali iha Jardim Portugal
“Ha’u alerta ba mate restu sira, ita uluk ita kadeia, kastigu no terus para ita nia alin sira labele terus, susar, sofre nafatin tanba deit buka servisu hodi toba deit iha jardim iha Portugal, ita la aseita ida ne’e, tempu ona para ita fo fiar ba malu hodi realiza mehi ne’ebe ita nia malu sira mehi maibe sira la hamutuk ona ho ita, ita tenki hamutuk determina futuru rasik, ohin sira tenki moris diak”. Dehan Presidente PD Mariano Assanami iha Manatutu, 17/05/2023
Presidente PD ne’e mos lolo liman no apresia ba traballador sira iha estranjeira tanba sira mak heroi foun ne’ebe hatama osan mai rai-laran
“ha’u nia apresia ba imi, imi mak heroi foun ba rai ida ne’e, tanba imi mak hatama osan mai estadu, imi iha ne’ebe estadu sei kontinua akompanha, imi nia servisu ne’e dignu”. Hatete Assanami
Assanami mos Promete, wainhira kaer ukun sei rezolve problema professor voluntáriu no kontratadu ba funsionáriu permanente no hari’i uma ba enfermeiru no doutor sira iha Territoriu nasional
“Ita sei rezolve problema professor voluntáriu no kontratadu ba funsionáriu permanente inklui uma ba professor sira hotu hodi hanorin ho dignu, rezolve mos uma ba enfermeiru no doutor sira hodi hala’o servisu ho diak ba populasaun sira”, tenik Assanami
Entretantu, Iha Komisiu ne’e hetan partisipasaun maksimu husi militante no simpazante sira husi Postu Administrativu Soibada, Laclo, Laclubar, Natarbora, Laleia no Manatutu Villa. Portantu, kampanha ne’e hetan observasaun husi observador nasional no internasional sira, hetan seguransa husi Polisia nasional Timor Leste (PNTL)
Jornalista : Luis Pailofo