Atake EUA & Israel Iha Iran, Aumenta Tensaun Iha Médiu Oriente

Imajem : Espesial.

SAPNewsTL, Internasionál : Tuir deklarasaun Prezidente EUA Donald J. Trump haktuir Estados Unidos América no Israel lansa “operasaun kombate boot” hasoru Iran, atake ne’e ho objetivu atu hapara programa militar, arma nuklear no rejime Ayatollah Ali Khamenei iha Iran.

“Ami sei destrói sira-nia míssil sira no hamoos indústria míssil sira,” dehan Prezidente EUA Donald J. Trump, 28/02/2026. Sita Reuter & AFP

Hafoin atake EUA–Israel no esplosaun sira haree iha baze Marinha EUA nian iha Bahrain, Irã mós lansa ona atake retaliasaun hasoru alvu Amerikanu sira iha Medio Oriente.

Atake ne’e mai hosi tensaun ne’ebé aumenta, bainhira Trump repetidamente ameasa atu ataka Irã, se negosiasaun kona-ba dezenvolvimentu programa nuklear no míssil sira la hetan solusaun.

Iha diskursu, Donald Trump hatete operasaun militar ne’e diresiona atu hasai governu lideradu hosi kleru Islamiku ne’ebé durante tempu naruk konsidera hanesan inimigu prinsipál ba EUA.

Trump sublinha nia objetivu mak atu obriga Irã halo akordu hodi hapara programa nuklear, sistema míssil no anikula forsa naval Iran nian.

Trump bolu atensaun ba sidadaun sira atu prepara an ba mudansa polítika. “Bainhira operasaun remata, foti governu. Governu ne’e sei sai ita-nian,” Trump dehan ne’e aumenta tensaun polítika iha rejiaun.

Nia mos afirma katak atake ne’e nu’udar momentu ne’ebe bele sai oportunidade únika ba gerasaun iranianu sira hodi buka liberdade.

Iha sinal koordenasaun polítika, Reza Pahlavi, oan hosi shah Irã nian ne’ebé monarkia nia governu monu iha Revolusaun Islamika 1979 mos hasai mensajen hosi exíliu iha Washington, bolu povu Irã atu alerta no hein tempu apropriadu atu sai ba luron ninin hodi halo asaun final.

Stephen Miller, durante kampaña eleisaun 2024 mós akusa adversária polítika Kamala Harris hanesan ema ne’ebé bele lori mundu ba konflitu global, afirmandu katak politika Trump nian mak promove paz.

Situasaun iha Iran sai kompleksu, manifestasaun boot sira hahú hosi problema ekonomia no presu moris aas, aumenta iha finál tinan kotuk no konsidera hanesan ameasa boot liu ba repúblika Islamika desde nia fundasaun.

Senador demokrata Ruben Gallego, veteranu funu Iraque, alerta katak maski komunidade internasionál kompriende sofrimentu povu Irã, atake militar la tenke halo ho desizaun lalais.

“Aksaun rejime la bele sai razaun atu loke funu boot ne’ebé bele kastiga sivíl sira no tau tropa amerikanu sira iha perigu,” nia dehan.

Atake EUA no ISRAEL ba Iran ne’e rezulta líder iranianu sira ne’ebe lakon vida maka hanesan Gen. Ali Shamkhani, General Mohammad Pakpour, komandante IRGC (Guarda Revolusionária Islamika), Xefe Judisiáriu Irã nian Gholam-Hossein Mohseni-Ejei, Ministru Defeza Iran Amir Hatami.

📸 : REUTERS/Stringer, Majid Asgaripour, via REUTERS, Getty Images, SOHRAB, Middle East Images/AFP via Getty, RABIH DAHER, AFP via Getty Images