Atualiza Servisu Ba PR Horta, PM Xanana Sei Ba China
SAPNewsTL, Díli : Primeiru Ministru Kay Rala Xanana Gusmão hala’o sorumutu semanal ho Presidente da Repúblika José Ramos Horta iha Palasiu Presidensial Nicolau Lobato Ai-Tarak Laran Dili
Hafoin sorumutu, Primeiru Ministru Kayrala Xanana Gusmão haktuir enkontru semanal hodi deskute Ajenda estadu Timor-Leste nian ne’ebe sei aprezenta iha Reuniaun Assembleia Jeral Organizasaun Nasoens Únidas(AJ-ONU)iha Nova Yorke.
“Sefe Estadu José Ramos Horta mos sei hala’o nia Viajem ba Estadus Unidos Amerika(EUA)hodi partisipa no hato’o mensagem iha AJ-ONU, nune’e tau hanoin hodi aprezenta programa governu no estadu Timor Leste nian ne’ebe sei hala’o”. Heteten Primeiru Ministru Kay Rala Xanana Gusmão iha Palasu presidensial Kinta 14/09/2023
Xefe Governu apresenta mos servisu governu nian liu husi Konsellu Ministru ne’ebe aprova proposta lei orgânika lina Ministériu sira nian ne’ebe haruka ba Presidente da Repúblika hodi haree no dekreta hodi fo dalan ba governu hodi hala’o servisu tuir Lei.
Primeiru Ministru Xanana mos informa mos Jornada orsamentu Jeral estadu(OJE)2024 ho tema kontinua konsolida no transforma prestasaun servisu liu husi hadia sistema jestaun no estratejiku investimentu ne’ebe muda sistema balu hodi kumpri lei Orsamentu nian.
Alende ne’e, Primeiru Ministru informa mos ba Presidente da Repúblika kona ba fo apoiu solidariedade profunda ba povu governo reinu marrokus ne’ebe sofre tanba efeitu husi raí nakdoko ho magnitude 6,8 ne’ebe akontese iha loron 8 fulan setembru liu ba.
“Rai nakdoko hamate país ne’e Hamate ema besik rihun tolu (3.000) no hakanek ema besik 2.500, Ema rihun ba rihun lakon no ekipa salvasaun kontinua iha terenu hodi buka sobrevive sira”. Nia informa
Enkuantu, liu husi sorumutu konsellu ministru nian iha loron 13 Fulan setembru, governu aprova ona atribuisaun donativu ida ho valor dólar amerikanu 2,5 ba reinu Marrokus hodi apoiu ba esforsu sira hodi hatan ba destruisaun ne’ebe kauza husi Raí nakdoko
Iha parte seluk, Xanana Gusmão aktualiza mos kona ba governu ne’ebe fo ona posse ba Governador BNCTL foun hodi kontinua servisu banku nian hamutuk ho ekipa tomak durante tinan 6.
Entretantu, Iha oportunidade ne’e, Primeiru Ministru mos informa kona ba viajen ba China hodi partisipa iha ASEAN Games 2023 ba dala 19 iha Hangzhou China hamutuk ho atleta Timor oan 58 kompostu husi feto 24 ne’ebe fahe ba atleta feto nain walu(8) ofisial feto 16 no mane nain 34 ne’ebe mai husi federasaun 10
Jornalista : Aquelina Magalhães