Audiênsia Ho PR Horta ! Kimura Deklara Apoiu Projetu Aeroportu & Edifisiu HNGV
Imajem : Sorumutu entre Presidente Repúblika José Ramos Horta & Embaixador Japão Kimura Tetsuya iha Palásiu Presidensial Aitarak-Laran, 16/06/2025. Foto : Média GPR
SAPNewsTL, Dili : Embaixador Japaun, Kimura Tetsuya hala’o enkontru ho Presidente Repúblika José Ramos Horta, durante sorumutu Kimura apresenta prontidaun kona-ba apoiu projetu aeroportu, edifisiu HNGV no desenvolvimentu rural.
Vincensius Guterres Morais – SAPNews
“Iha enkontru ne’e fo solisitasaun ba Presidente Repúblika kona-ba adezaun Timor Leste ba ASEAN”.Dehan Kimura Tetsuya ba Jornalista sira hafoin remata enkontru ho Presidente Repúblika iha Palásiu Presidensial Nicolau Lobato Bairo -Pite,16-06-2025.
Iha sorumutu ne’e, Presidente Repúblika no Embaixador Japaun mós halo aktualizasaun kona-ba projetu aeroportu no Ospital Nasional Guido Valadares
“Projetu sira ne’ebe Embaixador aprezenta katak Aeroportu Comoro nian Governu Japão toma konta ba edifisiu no terminal pasageiros nian, no Hospital Nasional Guido Valadares (HNGV), ami sei hahu projetu andar haat 4 kona-ba kuidadu saúde materna”.
“Segundu kona-ba projetu diversifikasaun industrial, ami agora hahú projetu peskas kosteira nian ne’ebe liu husi envia espesialista Japão nian mai iha Timor Leste hodi ajuda treinamentu ba Cadeia De valores no téknika moderna”. Nia sublinha
Kimura hatutan, area sira seluk ne’ebe kobre iha enkontru ho Presidente Repúblika mak dezenvolvimentu rural, edukasaun no saúde.
“Dezenvolvimentu rural nian kona ba transformasaun verde, bolsu estudu no apoiu ba adesaun ba ASEAN nian”.