Aviaun Monu Iha Area Risku Entre Colômbia & Venezuela ! La Konsege Salva Ema Nia Vida
Imajem : Avaun Beechcraft 1900 ne’ebe monu iha Colômbia, 28/01/2026. Foto : Reuters & AFP
SAP News Plus, Bogota : Asidente aeru ne’ebe akontese iha Nordeste Colômbia rezulta ema na’in 15 lakon vida, entre sira inklui Membru Parlamentu Nasional 1, Kandidatu Kongresu 1 no tribulante na’in 2.
Tuir publikasaun Média AFP & Reuters fo sai katak aviaun ne’e tula ema na’in 15 iha Nordeste Colômbia, entre sira laiha sobrevivente.
“Aviaun ne’e tula deputadu 1, pasajeiru 12 no tribulante na’in 2, aviaun ne’e lakon besik fronteira problematiku entre Kolómbia no Venezuela”. Haktuir hosi kompañia aérea estatál Satena no autoridade aeroespasiál sira iha Colômbia, 29/01/2026. Sita AFP
Aviaun ne’ebé tula pasajeiru na’in 13 no tripulante na’in rua ne’e semo hosi sidade fronteira Cucuta, hafoin lakon kontaktu ho torre kontrolu sira durante minutu 12 molok atu tun iha Ocana. Maske tuir planu aviaun ne’e atu atraka iha 12:05 loraik.
To’o agora seidauk hatene kauza hosi asidente refere maske sinál emerjénsia aviaun nian seidauk ativa, molok hetan asidente.
Área ne’ebe aviaun monu kontrola hosi grupu gerilla boot liu iha Kolómbia, Ezérsitu Libertasaun Nasionál, ne’ebé koñesidu liu ho nia sigla españól ELN.
Hafoin akontesimentu, Membru Parlamentár Lokál Wilmer Carrillo preokuap ho insidente ne’e tanba ninia kandidatu kongresu ida lakon vida.
“Ami simu ho preokupasaun informasaun kona-ba asidente aéreu. Ha’u nia kolega Diogenes Quintero, Carlos Salcedo ho sira-nia ekipa sira halo viajen,” hatete.
Matebian Quintero maka membru ida hosi kámara Deputadu Kolómbianu nian no Salcedo maka kandidatu ida ba eleisaun sira tuirmai.
“Ami husu kalma no hein deklarasaun ofisiál husi parte kompetente,” Carrillo dehan.
Aviaun ne’ebe monu maka aviaun Beechcraft 1900 ho hélice rua, ne’ebé opera hosi empreza aluga privadu SEARCA.
Tuir dadus hosi kompanha aéreu fo sai katak ema sira ne’ebe iha aviaun laran maka hanesan Deputadu Diogenes Quintero no membru sira, Carlos Salcedo hanesan kandidatu ida ba Kongresu eleisaun sira iha fulan-Marsu no tribulante na’in 2.
Área ne’ebé aviaun ne’e hetan asidente maka fatin ne’ebe iha foho no grupu armadu ilegal sira hala’o operasaun hanesan Ezérsitu Libertasaun Nasionál no faksaun disidente ida hosi Forsa Armada Revolusionáriu Kolómbia nian.
Fontes : AFP & Reuters