Balibo Five Sei Sai Sasin Ba Lansamentu Dahuluk Loron Nasional Liberdade Imprensa

Imajen Prezidente AJTL no CI iha Salaun Restaurante Golden Star, Kinta-Feira,6/10/2022.

SAPNewsTL,Dili: Hafoin Partisipa Editors Club Discussion iha Ambitu Selebrasaun Loron Nasional Liberdade Impensa Primeira 16 Outubru 2022 ne’ebe organiza husi onsellu Imprensa (KI) no Asosiasaun Jornalista Timor Lorosa’e (AJTL), Prezidente Konsellu Imprensa hateten Loron Nasional Liberdade Imprensa sei hala’o iha Balibo hahu husi loron 13 to’o 17 Fulan ne’e (13-17/10/2022)

Tuir Prezidente Conselho Imprensa Virgilio da Silva Guterres hateten loron liberdade imprensa nasional ne’e sei hala’o iha Balibo no iha ne’eba sei halo diskusaun kona-ba dezafiu no progresu servisu jornalista nian liu husi aspetu legal.

“Loron Conselho Imprensa Nasional hala’o dahuluk ne’ebe sei realiza iha loron 16 Fulan Outubru tinan ne’e iha Balibo hodi halo diskusaun, ne’ebe Conselhu Imprensa taka no loke no sai hanesan fontes ba orador sira, diskusaun ne’ebe mak ohin ita koalia kona-ba dezafiu no progresu sira ne’ebe jornalista sira infrenta iha aspetu legal”. Prezidente CI informa.

Iha fatin hanesan  Prezidente Asosiasaun Jornalista Timor Lorosa’e (AJTL)  Zevonia Viera katak loron liberdade imprensa nasional ne’e sira hala’o iha Balibo no sira sei debate ho oradores sira husi instituisaun sira tuir tema importante ne’ebé iha.

“Loron liberdade Imprensa Nasional ita sei lansa primeira iha Balibo no iha loron liberdade imprensa nasional entaun AJTL iha inisiativa servisu hamutuk ho konsellu imprensa hodi halo discussion club no halo debate entre oradores sira mai husi instituisaun oi-oin  no mos jornalista sira seluk hodi debate kona-ba topiku interesante no importante sira ne’ebe mak durante ne’e akontese”. Prezidente Asosiasaun Jornalista Timor Lorosa’e (AJTL)  Zevonia Viera iha Salaun Restaurante Golden Star, Kinta-Feira,6/10/2022.

Prezidente AJTL ne’e garante katak maske media sira iha Risku nia laran hasoru ameasa ka lori kazu ba to’o tribunal kazu defamasaun buat sira ne’ebe mak jornalista sira investiga, maibe sei la hamate servisu jornalistika iha nasaun demokratiku ida ne’e

“AJTL nia servisu halo advokasia, bolu ema sira ba debate atu kontinua mantein no promove liberdade imprensa, nune’e ema labele impede no hamate tanba servisu jornalista importante tebes iha nasaun demokratiku, Jornalista sai fontes hodi fo informasaun ba publiku liga ho issu sira ne’ebe interese komun nian”. Tenik Prezidente AJTL

Entertantu, orsamentu ne’ebé sei uza iha loron nasional liberdade imprensa  ne’e hamutuk 40.000 mil guvernu no parseiru UNESCO.

Enkuantu atividade ne’e sei hahu iha loron 13 ho lansamentu feira ba komunidade sira ne’ebe ho produtu lokal  depois hahu atividade seluk hanesan debate no halo diskusaun munisipiu nian, portantu loron liberdade Imprensa nasional refere sei partisipa husi Prezidente Republika, Governu, Prezidente Parlamentu, Jornalista sira inklui Autoridade kompetente  sira

Jornalista: Aquelina Magalhaes & Antonio Tilman

Editor: Ekipa Editorial