BCTL Alerta Nafatin Uza Moeda 200 Sentavus, Atensaun Ba Osan Falsu Ne’ebe Sirkula Iha Merkadu
Imajem : Moeda 200 Sentavos
Sapnews Pro : Banco Central de Timor-Leste (BCTL) fo sai maneira identifika osan 200 sentavus tanba deskonfia osan falsu ho marka 200 sentavus sirkula ona iha merkadu nasionál.
Atu atu identifika osan 200 sentavos ne’e jenuínu, BCTL aleta katak molok atu simu ka pasa osan sentavos ida, persija tau atensaun ba regra 3 mak hanesan :
- Haree
- Kaer/Sente
- Koko
Atu hatene didiak karakteristika imagem sira iha moeda sentavos ho metodu verifikasaun simples hanesan tuir mai :
– Haree ; imajem, letra no númeru.
– Sente/kaer ; iha imajem, letra no númeru ho kualidade diak.
-Koko ; moeda mutin hanesan 1 sentavus, 5 sentavos, 10 sentavus iha kompozisaun besi-açu.
Haree : Moeda auténtiku iha destake sira ne’ebé klaru: karaktesitika Geral: ho naran “REPÚBLICA DEMOCRÁTICA DE TIMOR-LESTE” ho asentu iha (Ú no Á) no tinan “2017”
karakteristika Espesial: ho imajen KARAU, FOHO ho NATAR LARAN, iha Parte ninin haleu kabe’er interkaladu ho tarak.
Sente : Sente ninin! Ida-ne’e tenke iha umidade ne’ebé regulár no espasu no kualidade ne’ebé di’ak.
Kompara : Osan-besi falsu normalmente kmaan no mihis liu, ka iha kór ne’ebé diferente ho metal orijinál.
Bainhira hetan osan-besi ne’ebé deskonfia?
Bainhira halo tranzasaun ruma (sosa kafa’an sasan) maka suspeita katak Moeda 200 Centavos Falsu, labele fó fila fali osan ne’e ba sirkulasaun, favór asegura hela moeda ne’e no komunika kedas ba Banco Central no iha munisípiu no área rural sira.
Kazu hanesan bele mós relata ba PNTL, PSIC no Autoridade lokál iha nivel Postu, Suku no Aldeia sira nune’e bele ható ba parte kompotente sira.
BCTL husu ba komunidade atu nafatin utiliza ita-nia osan sentavos husi 5 sentavos to’o 200 sentavos.
“Nafatin tau konfiansa ba autoridade kompetente sira nomós kopera hodi identifika no buka tuir kriminozu sira hodi responsabiliza ba aktus produz no sirkula osan 200 centavos falsu iha ita nian rain”. Dili, 05/03/2026. Sita Página BCTL.
Banco Central sei foti medidas adekuadu haktuir kompeténsia ne’ebe lei fó hodi asegura nafatin sirkulasaun moeda ofisial (Centavos no notas Amerikanu) iha Timor-Leste.
