Bispu Leandro Husu Família Hotu Halakan Lilin Iha Oratóriu
SAPNewsTL, Viqueque: Durante Missa ordenasaun Sacerdotal no Diakonal iha Parokia Nossa Senhora Imaculada Conceição Viqueque, Bispo Dioseze Baucau Dom Leandro Maria Alves hateten inan aman sira kontente oferese nia oan ba uma kreda tenke halakan nafatin lilin iha oratoriu hodi reza ba sira atu metin nafatin iha dalan vokasaun.
Tuir Bispo Dioseze Baucau Dom Leandro Maria Alves iha nia homilia katak familia sira kontente saran nia ona ba uma kreda nafatin halakan lilin iha ortoriu hodi reza nafatin ba oan sira.
“Inan aman sira kontenti, kontenti tanba Nai Maromak foti husi iha imi nia le’et, oan mane ida ami entrega ona, Na’i Jesus Kristu mai bensa fila fali oan sira hotu ne’ebe ita entrega ba Na’i maromak tan ne’e inan aman sira,imi oferese ona oan sira maibe imi labele taka matan, imi oferese ona maibe lilin iha ortoriu tenke lakan nafatin reza nafatin ba Na’i lulik sira”. Dehan Bispo Dioseze Baucau Dom Leandro Maria Alves liu husi nia homilia iha Nossa Senhora Imaculada Conceição Viqueque, Sexta-Feira, 8/12/2023
Bispo Dioseze Baucau ne’e hatutan orasaun mak haforsa sira tanba ne’e familia sira nafatin partisipa iha missa reza ba oan sira atu sira nafatin firme iha sira nia dalan vokasaun nian tuir dalan maromak nian.
“Espirito forte maibe isin fraku, orasaun mak fo forsa ba sira, inan aman buka atu reza ba oan sira labele oan sira Diakonu no Amu ona ne’ebe haluhan tiha la’e, mai missa, inan aman tenke mai missa para reza ba oan sira atu sira bele lao metin nafatin iha dalan vokasaun nian hodi tuir Na’i maromak”. Tenik Dom Leandro
Bispo Dom Leandro informa nu’udar Na’i Jesus obedese an ba maromak hodi tuir maromak nia hakarak nune’e nia husu ordenadu sira atu konsiente hodi tuir lala’ok Jesus hodi sai obediente ba Kristu
“Kristu obedese an ba aman hodi halo tuir aman nia hakarak, ita tuir Kristu mos hanesan ita obediente hotu kristu nian, ita tenke konsiente liu husi jestu ne’e ita hetan votu konfigura ita nia an ho Kristu tanba ne’e ita nia obedensia maromak bolu ita atu sai obidiente maibe la’os sai hanesan labarik kiik oan ne’ebe la’o tuir nia hakarak ne’ebe laiha nia konsensia maibe ita sai nu’udar ida be obidiente kristu nian rasik”. Nia hatete.
Dom Leandro fundamenta Tau liman iha Amo Bispo nia liman ne’e hatudu imi nia saran an tomak ba maromak hatudu imi nia totalidade ba maromak
“Tau liman iha Amu Bispo nia liman ne’e atu hatudu ita nia saran an tomak ba Amo Bispo tau ita nia konfiansa tomak ba Amo Bispo signifika mos katak ita prontu atu halo tuir buat saida deit mak liu husi santa kreda liu husi Amo Bispo,jestu ida ne’e espresa ita nia entrega an total ho konviksaun tomak ba Na’i maromak, tau ita nia fiar ba maromak liu husi Kristu, husik ita nia an ba maromak ne’ebe mak konkretiza liu husi Amo Bispo”. Nia akresenta
Jornalista: Luis Pailofo