Boas Entradas 2026 ! Tinan Foun Ba Esperança no Espíritu Foun

Imajem : Ekipa SAPNews Timor-Leste

SAPNewsTL, Díli : Família Boot Mídia Sapnews Pro hamutuk tatoli boas festa santu natal no kmanek tinan foun 2026 ne’ebe nakonu ho esperança no espíritu ba damen, estabilidade, no desenvolvimentu nasionál ba timoroan hotu.

Tinan Foun Ba Esperança & Espíritu Foun

Tempu mak medida ida ne’ebé uza hodi hatene durasaun no mudansa moris iha loron, fulan, tinan, ka momentu ruma ne’ebé pasa hodi hanoin & hari’i buat ida iha espasu no tempu hotu.

Tempu la’o la bele para, la bele fila & hein, maibé sempre la’o hodi hatudu moris. Loron ida pasa, fulan ida pasa, tinan ida pasa, tempu sempre tau ema iha kondisaun ne’ebé la bele kontrola.

Iha moris, tempu mak professora ne’ebé ensina husi pasadu ba futuru. Tempu hatudu momentu importante, hakerek historia, no organiza deskargamentu ema. Tempu mak medida durasaun husi pasadu ne’ebé ita loke ho memoria, agora to’o futuru ne’ebé ita hakarak hodi alkansa.

Iha filosofia no kultura, tempu mak símbolu vida. Ita tenki uza tempu ho prudénsia, sériu & gratidaun, hodi haree buat ne’ebé importante no la importante, halo ema aprende, kresce, no konekta ho sira seluk.

Tempu la bele para, maibé ita bele deside oinsa ita uza. Husi tempu, ita bele hili, ita bele aprende liu husi pasadu, no ita bele iha esperansa ba futuru ne’ebe moris ho dignidade no koragem.

Iha mundu ne’ebé muda lalais, esperança la’ós de’it hanoin di’ak, maibé forsa ida ne’ebé halo ita kontinua la’o ba oin ho aten brani, laran metin no responsabilidade.

Tinan foun ba esperança no espíritu foun bolu ita atu aprende, hafoun an no kolabora ho maneira foun ho teknolojia, kreatividade no solidariedade, ita bele hamosu solusaun ne’ebé sustenta komunidade no hadia moris ema nian.

Iha tinan foun ida ne’e (tinan 2026), mai ita hametin esperansa, loke hanoin, no halo asaun ne’ebé fó impaktu pozitivu. Ho espíritu foun ne’ebe nakonu, ita bele hari’i futuru ida ne’ebé inkluzivu, resiliente no sustentavel.

Ita hakat tama ba tinan foun ida, ita simu konvite ida atu reflete kona-ba jornada ne’ebé ita ultrapasa ona, no haree klean ba futuru ne’ebé hakarak hari’i hamutuk. Tinan foun la’ós de’it mudansa iha kalendáriu, maibé simbolu ida ba renovasaun, transformasaun no oportunidade foun.

Esperança foun mosu bainhira ita fiar katak mudansa positivu bele akontese, maski iha dezafiu barak iha luta. Esperança ne’e mak fó forsa ba ita atu la para, atu kontinua aprende, no atu sai ema ne’ebé di’ak liu husi loron ba loron. Iha tempu ida ne’ebé mundu kontinua muda lais, esperança guia ita hodi toma desizaun ne’ebé loos no justu.

Espíritu foun ne’e bolu ita hotu atu loke hanoin, simu inovasaun, no hari’i kultura kolaborasaun entre unanimidade. Espíritu ne’ebe halo ita prontu atu simu teknologia foun, hadi’a servisu, no kria solusaun ne’ebé responde ba nesesidade komunidade no nasaun.

Espíritu foun la’ós de’it kona-ba ideía foun, maibé kona-ba atitude foun, atitude ne’ebé hametin integridade, responsabilidade no solidariedade. Ita hamutuk hamosu komitmentu atu servisu ho laran metin, onestidade no sentidu umanizku.

Mai ita uza esperansa hanesan forsa, no espírito foun hanesan motór, atu hari’i futuru ida ne’ebé inkluzivu, resiliente no sustentavel ba jerasaun ohin no aban bainrua ne’ebe buras ho progresu, dame no prosperidade ba timoroan hotu.

Tinan foun marka etapa foun ida iha dalan dezenvolvimentu, ne’ebé fó oportunidade ba ita hotu atu reflete kona-ba servisu sira ne’ebé hala’o ona, aprende hosi esperiénsia ne’ebé liu, no prepara an ba dezafiu no oportunidade sira ne’ebé sei mai no liu. Iha konteksu ida ne’ebé mudansa global no nasional akontese ho lalais, esperansa sai fundamentu importante atu hametin resilénsia no kontinuidade servisu.

Esperança foun mak fonte motivasaun atu kontinua servisu ho dedikaçaun, integridade no sentidu servisu públiku ne’ebe forte ho kolaborasaun, dixiplina no inovasaun sosiedade no nasaun.

Tinan foun sai momentu ida atu hadia performánsia, hametin solidariedade, no hamosu rezultadu ne’ebé fó benefísiu ba ema hotu. SAP News TL sei kontinua servi povu no nasaun ho informasaun ne’ebe justu, kredivel no krítiku hodi hametin demokrasia, liberdade no valor direitos humanos.

Tinan Foun Lori Esperansa Foun, & Espíritu Foun Ba Ita Hotu. Boas Estradas Tinan Foun 2026 ba timoroan hotu iha rai-liur no rai-laran. Hakuak boot