Bombardeia Aset Estratejiku Iha Kharg Island ! Trump Deklara Iran Laiha Ona Kapasidade Halo Auto Defesa

Imajem : Presidente EUA Donald J. Trump. Foto : The White House

Sapnews Pro : Presidente Estados Unidos América (EUA) informa Komandu Sentral Estados Unidos halo operasaun bombardeamrntu forte iha médiu oriente destroi hotu ona alvu militar Iran nian iha Kharg Island.

“Momentu ida liuba, ha’u nia orientasaun, United States Central Command halo operasaun bombardeamentu ida ne’ebé forte tebes iha istória Middle East nian, destrui hotu alvu militar sira iha Kharg Island, ne’ebé konsidera hanesan aset estratégika (crown jewel) Iran nian”. Hakerek Presidente EUA Donald Trump liu hosi nia rede sosial X, 14/03/2026.

Donald Trump deklara EUA iha arma mak avansadu no forte liu iha mundu.

“Ami-nia armas mak forte liu no avansadu liu iha mundu tomak, maibé tanba konsiderasaun moral, ha’u hili atu la destrui infraestrutura petróleu iha illa ne’e”.

Trump deklara, “Maibé, se Iran ka ema seluk tenta interfere ba pasajem livre no seguru ba navio sira iha Strait of Hormuz, ha’u sei konsidera fali desizaun ida ne’e imediatamente”.

“Durante ha’u nia mandatu dahuluk no mos agora, ha’u reconstrui fali forsa militar United States nian sai hanesan forsa ne’ebé letal liu, forte liu no efikas liu iha mundu”.

Trump deklara Iran laiha ona kapasidade hodi defende an, wainhira EUA hakarak atu halo ataka tan iha sira-nia nasaun.

“Iran laiha kapasidade atu defende buat ruma ne’ebé ami hakarak ataka, laiha buat ida mak sira bele halo hodi para ami”.

“Iran sei la iha armamentu nuklear no mos sei la iha kapasidade atu ameasa United States, Middle East ka mundu tomak”.

Trump hatutan, forsa militar Iran nian, no sira hotu ne’ebé envolve ho rejime terrorista ne’e, diak liu atu tau sira nia armas no salva saida de’it mak sei hela husi sira nia nasaun, ne’ebé la barak ona”. Sublinha Donald J. Trump

Hafoin falesimentu Lider Supremu Ali Khamenei, Iran eleje Mojtaba Khamenei sai lider supremu foun hodi subtitui nia aman, sinal katak grupu linha dura iha nasaun ne’e kontinua kaer nafatin poder.

Mojtaba, hanesan lider relijiozu ida ne’ebé iha influénsia boot iha forsa seguransa Iran no rede negósiu barak ne’ebé liga ba nia aman, konsidera ona hanesan kandidatu prinsipal antes votasaun iha loron Domingu husi Assembleia dos Peritos, korpu ida ho lider relijiozu hamutuk 88 maka responsavel hili substituisaun ba Ali Khamenei.

Iha deklarasaun ida ne’ebé SAPNews asesu liu hosi Reuters fo sai, iha Teerã, Assembleia anunsia katak “Ho votu determinante, Assembleia dos Peritos nomeia Ayatollah Seyyed Mojtaba Hosseini Khamenei hanesan Lider Datoluk ba sistema sagradu República Islámika Iran.

Pozisaun ne’e fó poder ba Mojtaba atu foti desizaun final iha asuntu estadu hotu-hotu iha República Islámika. Nomeasaun Mojtaba bele halo Prezidente EUA Donald Trump la kontente.

Iha Domingu, Trump dehan Washington tenke iha voz iha prosesu hili lider foun.

“Karik nia la hetan aprovasaun husi ami, nia sei la dura kleur,” Trump dehan ba ABC News.

Antes anúnsiu lider foun, Israel mos ameasa atu ataka ema ida ne’ebé hili ba lider. Hafoin nomeasaun sai, Trump la fó komentáriu barak, dehan deit: “Nia sei haree saida mak sei akontese.”

Nia mos dehan katak remata funu tenke sai desizaun hamutuk ho primeiru-ministu Israel Benjamin Netanyahu.

Enkuantu, Lider supremu Ali Khamenei mate iha atake ida husi EUA no Israel ne’ebé akontese iha loron 28 Fevereiru 2026.

Funu iha Médiu Oriente ne’e rezulta iranianu hamutuk 1.348 lakon vida, militar Estados Unidos América na’in 7 lakon vida no dezenhas pessoas hosi Israel mós lakon vida tanba Iran halo atake.