Breaking News : Feto Ida Tara An Iha Tasi-Tolu

SAPNewsTL, Dili : Ohin dader maiz ou menuz tuku neen madrugada, Komunidade sira ne’ebe hela iha area Tasi-Tolu hetan sidadaun feto ida tara an no hetan nia ho kondisaun iis laiha ona

Ohin dader madrugada mosu akontesimentu ida, Sidadaun feto ida tara an iha area Tasi-Tolu, hafoin tara an Komunidade sira hetan maibé ho kondisaun laiha ona iis

Hafoin Informasaun ne’e públika SAP News TL to’o kedas iha fatin akontesimentu hodi haree direita no husu kronolojia ba ninia familia maibe família rezeita fo informasaun kona ba Identidade no kauza husi insidente refere

Tuir Informasaun ne’ebé SAP News asesu katak sidadaun feto ne’ebe tara an ne’e forma ona família maibé seidauk kous oan, Sidadaun Feto ne’e hela iha Area Besi-Mean Tasi-Tolu, Postu Administrativu Dom Aleixo, Munisipiu Dili

Durante Matebean sei tara an hela iha aí-hun ida, Família Informa kedas ba parte Autoriedade Seguransa, Polísia Nasional Timor Leste (PNTL) to’o iha fatin hodi hatun husi ai ne’ebe nia tara an ba

Enkuantu, to’o agora seidauk hatene kauza husi insidente Matebean feto ne’e tara an, maske nune’e maibé parte Polísia asegura ona Matebean nia isin mate no sei submete ba prosesu autópsia

 

Jornalista: Antônio Tilman