Portugal Halo Reviravolta & Manan Croasia ! Hakat Ba Hasoru Espanha Iha Oitavu Final
Imajem : Cristiano Ronaldo & Gonçalo Ramos iha Canadá, 03/07/2026. Foto : FIFA World Cup
Toronto, Canadá : Selesaun Nasionál Portugal konsege manan Croasia iha round of 32 ho skore 2 a 1 iha FIFA World Cup 2026.
Jogu faze eliminatória ne’ebe hala’o iha Toronto, 03 Jullu 2026 ne’e halo Seleção das Quinas kontinua hakat no prepara hodi hasoru Espanha iha round of 16.
Iha partida ne’e, Croasia mak loke pontu uluk liuhosi Ivan Perišić iha minutu 53. Portugal responde ho penalti liu hosi Cristiano Ronaldo iha minutu 68, hafoin VAR konfirma violasaun iha área penalidade.
Tuir mai, bainhira partida tama ona tempu akrésimu, Jogador Gonçalo Ramos marka golo vitoria iha minutu 90+4 hodi muda skore 2 a 1.
Durante 90 minutu resin, ekipa rua hatudu kompetisaun maka’as. Croasia halo resisténsia boot no kria oportunidade atu hatama golu, maibé Portugal hatudu esperiénsia no kontrola area defeza no guarda rede to’o tempu termina.
