CEC-TL Selebra Aniversáriu Ba Dala L, Abrantes : Totál Eskuteirus TL Hamutuk 85 Mil Ital

SAPNewsTL, Dili: Corpos Eskuteiros de Timor-Leste komemora aniversáriu ba dala L (50),  Presidente Komisaun Organizadora Laura Soares Abrantes hateten hakarak transforma sosiedade sai sosiedade iha valores kulturais no fiar katóliku ida lolos hodi lori rai ne’e ba oin

“Kontribuisaun husi  eskuteiros katoliku, hahu husi fundador korpos de eskuteiros  katóliku, Dom  Jose Joaquim Ribeiro mai fo ordem ba amu asistenti nain tolu hanesan iha istoria, entaun edukasaun non  formal, edukasaun de vida, edukasaun de siensia matenek iha buat hotu-hotu ne’ebe sai rebusteis fisika, hanesan ita boot sira haree parade ida  ne’e desaktivdades ne’ebe mais importante tebes”. Tenik Presidente Komisaun Organizadora Laura Soares Abrantes ba Jornalista sira iha Katedral Dili, 25/07/2022

Presidente ne’e informa, iha komemorasaun ne’e mos partisipa husi diocese rua no arkediocese de Dili, kada diocese autonomamente idak-idak iha ninia asistente religozu no sei obedese  ba sira nia asistente religiozu sira.

“Ami sei finaliza proximo ano iha Lifau Oe-cusse atu nune’e plaka ida ohin asina ona ne’e bele mos ba tau iha Lifau Oe-cusse  tanba istoria mosu husi ne’e  no hahu mos husi ne’eba, mesmo ke ita  hatene istoria kuandu portuguesa sira mai deskobre Timor-Leste”. Nia informa

Entretantu, sira sei  halo apresentasaun estatutu dos corpos de eskuteiros de Timor-Leste atu nune’e bele iha baze legal ida ne’ebe maka durante ne’e sira presiza hela

“Ami iha tres prinsipios, tres leis no ami iha promesa orienta hela ami sai sidadaun di’ak ne’ebe mak  defende patria, defende povu, no nia aan rasik kontribui ba iha estadu ida ne’e”. tenik nia

Nia fundamenta hakarak transforma sosiedade sai sosiedade iha valores kulturais no fiar katóliku ida lolos

“Ita hakarak dehan oinsa bele grupo ida ne’ebe mak  nonok ,neneik, bebeik bele transforma sosiedade ida ba sosiedade ne’ebe  mak lolos ho valores kulturais, sosio kristaun, fe katolika, dala barak ema husik hela iha kotuk, tanba tauk no moe, maibe ita tenki avansa nafatin  tenki lori nafatin ba oin”. Nia dehan

Nia sublinha katak númeru total eskuteirus iha Teritóriu Timor-Leste hamutuk rihun ualunulu resin lima (85.000)

“Ami  aprende husi sira kona-ba valor sira ne’e, sira hanorin ami sai sidadaun ne’ebe iha fidelidade, sidadaun ida ne’ebe maka kompetente duni para bele jere, maibe hakarak hateten deit katak dezafius  ne’e oioin, ohin ita bele ou konta karik iha eskuteiru mil mais de mil karik  mak iha ne’e maibe ne’e representates deit la mai hotu, tuir ami nia dadus ne’ebe maka ami iha dadus total ita bele hateten 85 mil ba leten  ne’e iha teritorio nasional”. Nia hakotu.

Jornalista : João Marito  & Pascoela Da Conҫeicão