Proposta 4.000 Ba Palasiu Presidente, PR Sei Orienta Instituisões Relevantes Sira Fo Resposta
SAPNewsTL, Dili : Relasiona ho proposta rihun haat ne’ebe komunidade hatama ba gabinete Presidénsia da Repúblika, Presidente da Repúblika Liu husi Asessor politika Tomas do Rosario Cabral iha konferénsia imprensa hateten Presidente da Repúblika sei organiza pedidos sira ne’e, hodi re-enkaminha ba instituisões relevantes atu bele fo respostas
“Ha’u lori povo nia lian hakarak hato’o deit ba ita nia Sua excelensia Presidente da Republika Jose Manuel Ramos Horta atu bele Responde lalais ami nia preokupasaun agora dadauk, ami nia proposta agora dadauk sira la konsidera nu’udar proposta ne’ebe Ami hatama”. Tenik Alberto Pereira ba jornalista sira iha resintu Palasiu Presidensial Aitarak-laran dili, 26/07/2022
Enkuantu, Proposta refere hamutuk rihun haat (4.000) mak sira hatama ona, nia dehan wainhira sira la konsidera proposta ne’e mak lor-loron sei nakonu iha Palásiu Presidensial.
Iha sorin seluk Sidadaun Madalena Tilman da Silva lasatisfas wainhira haree proposta ne’ebe soe hela iha liur
“Ha’u nia fuuk Mutin ona, maibe ha’u nunka hetan buat ruma to’o agora, ha’u nia uma mos aat hela, Nai Ulun sira dehan asisti mak kbiit Laek mais to’o agora Ha’u ferik ida nunka hetan buat Ida tanba ne’e mak ha’u hatama proposta ne’e”. dehan Madalena Tilman da Silva
Hatan ba Preokupasaun kona ba proposta refere, Presidente da Repúblika Liu husi Asessor politika Tomas do Rosario Cabral iha konferénsia imprensa hateten Presidente laiha orsamentu Disponivel atu atende ba pedidos hotu-hotu ne’ebe mai husi komunidade sira.
“Presidente da Repúblika Liu husi Konferénsia Imprensa Nee comunica ba Lideres no Autoridades Komunitarias sira, Liliu Presidente Autoridade Municipios Sira, Administradores Postos sira, Chefes sucos, no chefes Aldeias sira hotu katak Presidente laiha orsamentu Disponivel atu atende ba pedidos hotu hotu Neebe Mai husi komunidade sira”. Dehan Tomas do Rosario Cabral iha Konferensia Imprensa orseik iha Palasiu Presidente Aitarak-laran, 26/07
Enkuantu, Pedidos balu mak tama ona iha Presidensia liu husi diskusaun no avaliasaun teknika, no orientasaun Superior Sua Excelénsia Senhor Presidente da Repúblika atu organiza pedidos sira ne’e, hodi re-enkaminha ba instituisões relevantes atu bele fo respostas.
“Perante situasões excepcionais balun, ho carakter urgente no fundamentu humanitáriu, Presidente da Republika sei konsidera hodi avalia situasões ho kbiit ne’ebe iha. Presidénsia sei konduz levantamentu de dados no avaliasaun téknika atu bele haree possibilidades atu apoio ka coordena ho Instituisões kompetentes, sociedade empresarial ou NGOs ruma karik bele fo Assistencia”.
Enkuantu, Presidénsia da Repúblika apresia ba kooperasaun no apoio maluk sira hotu, Liliu lideransa comunitarias sira, Atu bele transmiti mensagem ba povu kona ba Asuntu refere ho lolos hamutuk garante nafatin paz, estabilidade no unidade Nacional.
Jornalista : Vinsensius Morais Araujo