Negosiante Celina Husu Inan Feton Sira Badinas Fila Liman Lori Moris Diak Ba Familia
SAPNewsTL,Dili : Negosiante Celina Freitas ho idade haat nulu(40)Husi Munisipiu Baukau Suku Waligata, Agora daudaun nia hela iha Bebonuk, Nia hateten baibain sai husi uma dader no fila uma kalan, Nia buka osan liu husi Fa’an Nasy Bunkus ho ha’as hodi sustenta ba nesesidades uma laran no selu oan sira nia eskola.
Negosiante Celina Freitas hateten Tinan barak ona hala’o nia kna’ar hanesan negosiante ida antes dadersan, iha ne’ebe nia sempre lori nasy bunkus Ho ha’as mai fa’an iha luron ninin hodi Hetan osan uitoan atu sustenta ba nesesidade uma laran no selu oan sira nia eskola.
“Ha’u lor-loron tu’ur de’it iha estrada ninin hodi fa’an sasan iha ne’e, osan ne’ebe ha’u hetan kada loron bele hetan to’o dolar sanulu ($10) ou dolar sanulu resin lima ($15). depende ba sosa nain sira lae la hetan barak maibe nia nafatin faan tanba nesesidade uma laran mak obriga”.Dehan negosiante Celina freitas ba Jornalista SAPNews iha Bebonuk Dili tersa (26/07/2022).
Negosiante ne’e hatutan Lor Loron tu’ur de’it iha Iha estrada ninin La sente loron nia manas no malirin maibe nia nafatin pasiénsia hodi tu’ur hein nia sasan tanba nia oan nain haat(4) eskola hotu no ema atu ajuda nia fa’an sasan ne’e laiha.
“Sasan ne’ebe ha’u fa’an uza osan rasik, ema sosa hotu nia tenke ba sosa fali atu ha’u mai fa’an nafatin, iha oras tuku ne’en, hader atu prepara hahan ba tein, no tuku hitu mai fa’an sasan to’o tuku lima loraik mak fila ba uma”. Tenik nia
Nia dehan, labele hein no husu de’it mane mak atu buka maibe nia nafatin esforsu a’an buka osan hodi ajuda mos ba presiza uma laran no selu oan sira nia eskola.
Entertantu Negosiante Celina Freita Husu ba inan feto sira katak labele moe hodi buka moris no hadia kualidade moris familia nian para bele lori oan sira sai susesu iha eskola no lori moris diak ba familia ida-idak
Reporter : Maria de Jesus & Aquelina Mangalhães
Editora : Julieta Lopes