CNE Sei Garante Demokrasia Kualitativa Iha Timor-Leste

SAPNewsTL, Dili – Instituisaun orgaun eleitoral Comissão Nasional das Eleições (CNE sigla Portugués) realiza Workshop ho tema jéral, “Konsolida Programa no Politika Dezenvolvimentu CNE 2024-2026” hodi hadia futuru CNE sai independente no hametin demokrasia iha Timor-Leste ho kualitativu.

Prezidente CNE, Jose Agostinho Da Costa Belo Pereira haktuir workshop ne’e hanesan tempu ne’ebe osan mean ba familia boot CNE atu hamutuk dala ida tan hodi hadia lakunas balun ne’ebe akontese iha prosesu nia laran.

“Agora dadauk ne’e ita sei laiha selebrasaun natal ida ne’ebe ho modelu boot, ita mos laiha parseiru ne’ebe uluk ita hetan tinan tanba ita hare ba polítika sira ne’ebe presiza hare oinsa aposta ita nia organizasun ba futuru, momentu ida ohin hanesan tempu diak teb-tebes oinsa ita dezenvolve ita nia intituisional kuandu ita simu mandatu agrokomisáriu” Hateten Prezidente CNE, Jose Agostinho Da Costa Belo Pereira ba Jornalista sira iha salaun Laline Larigutu, Segunda (12/02/2024).

Prezidente CNE akresenta, halo instituisaun ne’e tenke sai boot no independente laos instituisaun intermos luta ba demokrasia, estabelese regras ne’ebe diak eleisaun sira ne’ebe konkorensia partidos politika ou kandidatu ba prezidente tenke simu rezultadu ho diak.

“Prosesu tomak ne’ebe ita halo hetan apresiasaun laos deit mai husi nasional maibe Timor-Leste mos hetan apresiasaun husi nasaun Europeia no ASEAN nian katak eleisaun tinan kotuk ne’e organiza diak liu kompara ho eleisaun sira liu ba”. Nia informa

Prezidente CNE, Jose Agostinho Da Costa Belo Pereira afirma CNE preparadu iha rekursu humanu tanba agora daudaun komisáriu no funsionáriu sitra kontinua hala’o hela estudu iha rai liur.

“Ita preparadu, agora dadauk ami ho komisáriu sira halo mos koperasaun diak, komisariu no funsionariu balun sira halo hela estudu mestradu iha rai liur”. Nia afirma

Dirijente Orgaun eleitoral ne’e hatutan, CNE mos kontinua prepara ba eleisaun kámara munisipal, tan ne’e CNE sei halo supervizaun ba baze de dadus ne’ebe klaru tanba eleitor barak fila ona ba mundu seluk.

“CNE prepara, oinsa orienta ita nia komunidade, ita nia eleitor sira atu preparasaun liu-liu eleisaun sira tuir mai bolu eleisaun munisipal ninian tanba ema barak mos seidauk hatene ida ne’e, orgaun ida ne’ebe iha papel importante mak CNE ho STAE maibe atu hatene diak liu STAE no CNE mak tenke halo supervizaun base dadus agora, tanba iha ema barak kestiona eleitores ne’ebe mate, entaun CNE rejistu numerus eleitores iha deit miliaun 1.3 populasaun maibe ita nia eleitor ne’e kuaze 900.000 mill”. Nia hateten

Enkuantu, iha workshop ne’e partisipa maximu husi funsionáriu sira, komisáriu sira no estrutura topu komisaun nasional eleisaun nian.

Jornalista : Isabel Baptista Belo