CNRT Deklara La’o Ho PD, Xanana : Nonu Guvernu Sei La Fasil

SAPNewsTL, Dili ; Liu husi Konferensia Nasionàl Iha Salaun OKA, Partidu Congresso Nacionál Reconstrução de Timor (CNRT) deside halo koligasaun ho Partidu Demokrátiku (PD) hodi Forma Governu Dasia

Sekretariu Jeral Partidu CNRT Francisco Kalbuadi Lay parabeniza Estrutura tomak ne’ebé Servisu makaas hodi kadeira 31 iha Eleisaun Parlamentar 2023

“Ita hatene katak Vitoria ida ne’e husi fofoun karik ita sempre hateten, ita sei manan maioria absoluta, to’o ikus mai hetan duni Vitoria, maibe hetan ho kadeira Tolu Nulu Resin ida, parabens ba ita hotu, obrigadu no Agradese ba ita bo’ot sira hotu Sakrifisiu, desde Fiskais, Selkom Nurep, Postu, Municipio no Estrutura Nasional, Rezultadu ne’ebe ita hetan ho kadeira Tolu Nulu Resin ida”. Tenik Sekretariu Jeral Partidu CNRT Francisco Kalbuadi Lay iha Salaun OKA, Dili, 19/06/2023

Kalbuadi hatutan, “Liu husi Municipiu ida-ida hotu-hotu tenki rekoñese katak balu la hetan duni atinji bele falla ituan, maibe hato’o nafatin apresiasaun no mos parabens ba imi, ha’u fo exemplu ba iha municipiu Tolu, hanesan Baucau, Viqueque, Lospalos, mesmu lakon maibe votu sa’e, Munisipiu rua mak diak Tebes mak Ermera no Dili”hateten Kalbuadi

Iha fatin hanesan, Presidente Partidu CNRT Kay Rala Xanana Gusmão haktuir “Partidu Hanesan organizasaun Polítiku ida, iha ne’ebé sidadaun ho hanoin hanesan hamutuk esforsu an hatudu ba povu dehan, ami laos atu sai deit ministru, maibe ami sei buka lori rai ne’e ba oin no hadia povu nia moris”. Hatete nia

“Atu servi rai ida ne’e ho Povu ida ne’e, iha tinan lima ne’e La’os buat fasil, Nonu Governu ne’e sei la fasil, karik atu ba tur deit iha ne’eba sai Primeiru Ministru no sai ministru ne’e fasil, maibe ba ne’eba atu kumpri misaun servi rai ida nee no Povu ida nee difisil tebes, difikuldade ne’e sei hatutan tanba imi koordenador Munisípiu, Koordenador Postu sira tanba iha tinan lima ne’e ita tenki hahu desentralizasaun”.

Enkuantu Xanana Gusmão sublinha “Agora ba oin ita nia moto Laos Fiar-An Lao Ba Oin, maibe agora Prepara an Atu Sai Municipiu, partidu agora tenki prepara, ita sei halo reunoes konferensia seluk maibe aproveita ohin ne’ebe imi deside atu ba ho Partidu PD atu kaer nunu governu”. Hakotu Nia

Partisipa Iha Konferensia Nasionàl Partidu CNRT ne’e mai husi Estrutura Nasionàl no Koordenador Sira Husi Munisípiu Sanulu Resin Haat Inklui Rejiaun Administrativa Espesiál Oecusse Ambeno (RAEOA)

Jornalista : Anina Martins