Funsionáriu Guvernu Presta Omenajem, Fidelis Solidariza PM Taur Ho Família Enlutada
SAPNewsTL,Dili : Hafoin Presta Omenagem ba Saudoza Isabel da Costa Ferreira tanba sofre moras kankru intestinu iha estadium terminal, Presidensia Conselho Ministro Fidelis Leite Magalhães sente triste boot no laran todan tebes banhira rona katak Dona Isabel hakotu iis
“Ho laran todan nakonu ho tristeza, ohin ami hotu mai iha ne’e hodi presta homenajem ikus ba espoza husi Primeiru Ministru Dona Isabel Da Costa Ferreira, hato’o mos solidaridaria ba Primeiru Ministru ho oan sira, Ita hotu hatene katak ita lakon ema ne’ebe mak diak no laran luak, inan diak ba ita hotu iha tempu naruk nia laran”. Tenik Presidensia Conselho Ministro Fidelis Leite Magalhães ba Jornalista sira iha Metiaut, 19/06/2023
Fidelis Konsidera Dona Isabel Ferreira hanesan inan diak ba ema hotu, nia ema ne’ebe mak iha dalan naruk hodi fo kontribui durante okupasaun to’o ukun an, nia mos ativismu ba protesaun defeza Direitos Humanus Timor oan sira nian liu husi partisipasaun iha organizasaun kontra injustisa iha Timor Leste
“Hafoin ukun rasik an, nia mos kontinua ativu iha organizasaun sosiedade sivil sira hodi defende direitos humanus sira, depois de nia simu sakramentu kaben matrimoniu ho Primeiru Ministru Taur Matan Ruak iha momentu sei hanesan Jeneral, nune’e kontinua fatin to’o iha kazamentu nia mos kontinua nafatin iha atividade pessoal iha diretos humanus, demokrasia ba estadu de direitu demokratiku”. nia konta
Nia akresenta, Saudoza Isabel kontribui ba organizasaun oioin iha sosiedade sivil sira, haknaar an iha CBA no haknaar mos sai hanesan Vise Ministra Justisa iha tinan 2006 no kontinua mos sai hanesan Primeira Dama, iha mos funsaun sira hotu hodi fo kontribui hari’i uma matenek ba ema sira buat hirak ne’e hodi fo rai no povu ida ne’e
Presidente Konselhu Ministru ne’e realsa, “senti triste tebes, alende iha relasaun devisional ami servisu hamutuk ho konsimidade desde liu periodu hirak liu ba, kampanha Prezidensial sempre hamutuk halo kolaborasaun diak i no iha mos casa civil Presidente nian, iha relasaun amizade ne’ebe mak diak tebes no dezeju ba nafatin Primeiru Ministru no oan sira hodi forsa nafatin”.
“Maski Espoza husi Primeiru Ministru iha saude ne’ebe mak la diak maibe primeiru Ministru nafatin hala’o servisu hodi fo kontribuisaun ba ita nia estadu tanba iha interese estadu ne’e mak boot ba iha ita nia rai doben Timor maski iha dezafiu ne’ebe mak todan husi familia, ita mos agradese maski ita triste profunda no dezeju ba Primeiru Ministru ho oan familia sira hotu”.nia hakotu
Enkuantu, Tuir Observasaun Jornalista SAPNewsTL iha Metiaut nota katak Presidente Republika Jose Ramos Horta, Presidente Tribunal de Rekursu ho Juis sira, Presidente Parlamentu Nasional hamutuk ho Deputadu sira, Membru Guvernu sira, Kolegas, amigus no familia mak halo ona prestasaun no fo sentidu konlensia ba familia enlutada
Jornalista : Lidia Amaral