Dalan Ba UNTL Seguru, Estudante Tenki Brani Dehan Sai Ninia Problema

SAPNewsTL, Dili : Iha ambitu komemorasaun loron restaurasaun independensia, Universidade Nasional Timor Lorosa’e (UNTL) liu husi Vise Reitor UNTL Ligia Coreia hamutuk ho grupu tekniku gabineti kampus seguru, UN Woman, Vise Dekanu sira, estrutura estudantil ninian ho rede feto halo programa konjunta ida realiza Kafe Generu hodi konsensializa no haklean kunhesimentu kona ba asediu sexual, violasaun sexual no orientasun sexual ba Estudante, Dosente no Funsionariu sira iha UNTL

Tuir Vise Reitor UNTL haktuir programa kafe generu ne’e objetivu atu aumenta no desenvolve kunhesimentu estudante no funsionariu sira nian iha kontextu jeneru

“Ita atu haree oinsa atu konhese diak liu tan, aumenta mos sira nia konhesimentu kona-ba konstextu generu nian ne’ebe mak oras ne’e dadauk sai hanesan issue mundial maibe ita persija mos fo konhesimentu klean liu tan ba estudante sira, estudante sira labele tauk hodi ko’alia sai problema ne’ebe hasoru”.

“Ami mos hala’o diskusaun avaliasaun hodi hatene kona-ba implementasaun kampu seguru ne’ebe mak hamutuk ho universidade ho mos UN Woman hodi halo kordenasaun iha tinan tolu haree klean liu tan implementasaun kona-ba insiativa kampus seguru katak ema hotu iha universidade ne’ebe tenki sente livre, konfortavel no laiha diskriminasaun liliu axediu sexual inklui violensia ho forma saida deit”. Tenik Vise Reitor UNTL Ligia Coreia ba SAPNewsTL iha Salaun Rede Feto Kaikoli, 31/05/2023

Dra. Ligia hatutan, "Estudante sira senti ninia dezafiu no obstakulu, ami senti  husi implementa kampu seguru ho ida ne'e mak mai halo refleksaun ho estudante sira atu sira aprejenta rasik kondisaun real ne'ebe mak sira senti tanba implementasaun kampu seguru ne'e iha ba kada fakuldade, oinsa atu bele responde ba preokupasaun ne'ebe mak inseguransa ba estudante sira," Dehan vice Reitora 

Vise Reitor ne'e informa, "Universidade ne'ebe halo koperasaun ho UN Woman ne'ebe konsege ajuda haris fatin ne'ebe mak sai ezemplar ho modelu ba fakuldade sira seluk iha mos sala ne'ebe mak atu fo atendimentu ba komunidade akademiku nian, iha ne'e mos servisu hamutuk ho fokupers sira iha mos amu kapelaun ne'ebe mak ajuda tebes".

Lider Universidade ne'e dehan tan, "Objetivu prinsipal atu dezenvolve ita nia rai timor ita hotu tenki kolabora intermus edukasaun,intermus etika no moral, nune'e oinsa iha maturidade husi jerasaun foun ne'ebe iha responsabilidade  sai komprendedor ba dezenvolvimentu ba ita nia nasaun Timor Leste, ita hotu fo kontribuisaun liu husi gabineti estudantil ninian,"tenik nia

"Ita mos ko'alia kona-ba kafe generu katak konhesimentu abordajen formasaun no etika ida ne'e mak atu rezolve hotu-hotu nia parte tenki kolabora tanba dala barak estudante ho funsionariu UNTL ladun konfortavel ba eskola no mos ba servisu ho ida nee sira bele mos lamentasoes ba sira nia kolega i bele mos enkaminha ba parte ne'ebe bele fo atensaun diak no lais ida ne'e mak liu husi meius oioin hodi fo formasaun hotu ba sira".nia hatete

Relasiona ho estudante UNTL Fakuldade Siensia Ezatas Manecas Ramos da Gama ne'ebe tara an, vise reitor ne'e trizte tebes tanba la konsege tahan an hodi habadak nia vida

"Estudante barak kona kazu ita la hatene dala ruma mos husi estudante ne'e rasik lakohi atu ko'alia sai nonok deit ikus mai nia deside rasik hodi habadak nia vida hanesan Vise Reitor ladun satisfas ba aksaun ne'ebe mak husi estudante sira halo tanba futuru ne'ebe estudante rasik sei garante hela kualidade ne'ebe mak diak maibe estudante nia hakbesik an ba kolega ho ema seluk mos minimu tebes, ita triste tebes hare estudante sira habadak sira nia vida moris.

Entertantu, Vise Reitor UNTL husu ba estudante sira hotu atu estuda makaas no hatudu atetude ne’ebe mak diak tanba dalan ba futuru susesu, matenek, kualidade no maduru mak liu husi karakteristika, etika no moral ne’ebe los no respeituozu

Jornalista : Lidia Amaral