Defeza Deskontroladu, Portugal Falla Kontra Georgia

SAPNewsTL, Díli – Ekipa Georgia halakon ekipa bo’ot Portugal ho scor dois (2) A zero (0) hafoin hala’o  jogu durante minutu 60 nian laran  iha estadium, Auf Schalke, Gelsenkirchen

Jogu refere faze primeiru iha minutu rua nia laran  ekipa Georgia liu husi nia jogadores, Khavicha Kvaratskhelia marka golu dahuluk hafoin ekipa Portugal nia nia jogadores defezadu nain hat (4) deskonroladu.

Nune’e hakat ba faze kritis iha minutu 27 ekipa timnas Portugal ho versaun makas tenta kontra ekipa Georgia nian liu husi bola ne’ebe suta husi jogadores, Portugal Fransisco Conceiçao, maibé bola refere la tama ba rede Georgia nian.

Iha minutu 57 ba leten jogadores Portugal hamonu jogadores ekipa Georgia iha linha sanulu resin neen 16 besik guarda rede Portugal nian hodi hamosu, Penalti nune’e ekipa Georgia marka tan golu ida (1) liu husi suta penalti hodi aumenta scor ba dois A zero (0). Quinta, (27/06/2024)

Tuir estatistika ne’ebe hatudu liu husi jogu entre Portugal ho Georgia iha primeiru faze ekipa Portugal domina bola hodi suta ba parte Georgia nian hamutuk 22 no suta ne’ebe besik liu guarda rede hamutuk 7 maibé la konsege hakuak guarda rede Giorgi Mamardashvili.

Jogu refere hatudu ekipa Portugal domina bola ho pursentu 73% durante jogu hahu to’o termina iha minutu 60 nia laran. enkuantu ekipa Georgia domina bola ho pursentu 23 % deit maibé sira konsege halakon ekipa Portugal ho escor dois (2) A zero (0).

Iha ambitu jogu  ikus, hodi hakat ba selesaun 16 ou 16 besar, Grupu F Euro 2024, entre ekipa Portugal ho Georgia. Jogadores kualifikadu uniku Portugal Cristiano Ronaldo ho espresaun deskontenti kontra arbitrazen, Sadro Schaerer hafoin jogadores Georgia Luca Lochoshvili ho brutalismu rasta hamonu, Ronaldo iha linha  sanulu resin neen 16 besik guarda rede Georgia nian, maibé arbitrazen la foti desizaun penalti nune’e kontradis ne’ebe Ronaldo hakilar ho emosional arbitrazen originalidade Swiss ne’e kontra ho kartaun kinor/kartu kunin hasoru jogadores estrela Portugal Cristiano Ronaldo.

Faze primeiru iha minutu 21 Jogadores kualifikadu uniku Portugal Cristiano Ronaldo ho espresaun emosional kontra nia ekipa, João Palhinha, tamba hadau bola husi Ronaldo ne’ebe livre atu suta ba guarda rede Georgia nian.

Tuir observasaun SAP News TL iha terenu nota katak antes ne’e Portugal manan turkia, adeptus sira halo komboiu no haklalak maibe iha jogu Portugal hetan derrota kontra Georgia, adeptu sira iha kapital Dili, Timor Leste hakmatek no laiha ona barullu.

Aleinde ne’e tuir publikasaun ne’e Média SAPNews Timor-Leste asesu liu husi fornesedor  informasaun, Euro 2024 hatudu katak, nasaun neen (6) sei la hakat ba faze tuir mai, tamba kualifikasaun ho valor jogu minimu.

Nasaun 14 hakat ba faze as sanulu neen (16)/16 besar. Nasaun tolu (3) tuir klase kualifikasaun uniku, Euro 2024 Eslovakia empata ho Rumania, nune’e Rumania sai klase uniku iha grupu (C).

Entertantu, jogu ikus entre ekipa Georgia kontra ekipa bo’ot Portugal hodi hakat ba faze 16, Euro 2024. Jogadores Georgia nian kompostu husi, Giorgi Mamardashvili, Luka Lochoshvili, Guram Kashia, Giorgi Gvelesiani, Lasha Dvali, Otar Kiteishvili, Giorgi Kochorashvili, Giorgi Chakvetadze, Otar Kakabadze, Khvicha Kvaratskhelia, no Georges Mikautadze.

Enkuantu ekipa Portugal kompostu husi jogadores Diogo Costa, Antonio Silva, Danilo Pereira, Goncalo Inacio Diogo Dalot, Joao Neves, Francisco Conceicao, Joao Palhinha, Pedro Neto; Cristiano Ronaldo, no Joao Felix

Jornalista : Guilhermino Ramos da Cruz