Deputadu Komisaun G PN Preokupa Projeitu Komunitáriu Eskola Sira Estagnadu
![](https://sapnewstl.com/wp-content/uploads/2022/08/image-87-650x574.png)
SAPNewsTL,Dili: Presidente Komisaun G Deputadu Antonio Verdial trata Asunto Edukasaun Joventude, Kultura no Sidadania, hateten Fiskalizasaun ne’ebe maka deputadu sira haleu teritóriu tomak, sira preokupa Dezenvolvimentu projeitu komunitáriu ne’ebe estagnadu no eskola sira ne’ebe sei menuz professor atu hanourin alunos sira inklui rekrutamento professor sira
“Dezenvolvimentu projeitu komunitariu no rekrutamentu profesor sira, orsamentu ba projeitu dezenvolvimentu komunitáriu ba eskola nian ne’e osan tinan rua(2) ba kotuk, lolos exekusaun tenki remata iha tinan 2021 maibe na realidade foin bele hala’o iha tinan fistal 2022, nune’e komisaun G halo inisiativa hodi halo prosesu fiskalizasaun direita ba iha terenu”. Hatete Nia ba jornalista iha resintu Parlamentu Nasionál Kuarta-Feira (10/08).
Presidente Komisaun ne’e hatutan, Infelismente iha fatin balun seidauk la’o no prosesu iha teritóriu tomak espesialmente prosesu komunitária la’o hotu ona
“Iha plenaria hato’o ba governo liliu Ministéiru Edukasaun atu lalais selu orsamentu etapa daruak nian, nune’e dezenvolvimentu labele fo liafuan estaganadu, ita haree iha munisipiu Aileu, Likisa, Ermera, Bobonaru, Covalima, Same no Ainaru, observa direita katak prosesu ne’e paradu hotu tanba orsamento faze daruak seidauk to’o”.
Deputadu ne’e fundamenta, iha Munisipiu Bobonaru sira preokupa kona-ba konstrusaun sira atraza, eskola sira menuz profesores no menuz asesu informasaun
“Iha Munisipiu Bobonaru, komisaun hasoru ho funsionáriu ne’ebe haknar an iha setor edukativu munisipiu nian, sira preokupa teb-tebes kona-ba atraza konstrusões eskolares, falta profesores iha eskola filiais sira, falta informasaun kona-ba rekrutamentu profesores ne’ebe iha tinan rua ba kotuk ne’ebe Parlamentu aprova ona”. Nia tenik
Nia realsa, orsamentu ba halo rekrutamentu profesores eskolares kontratadu hamutuk atus sia hitunulu resin-lima (975) vagas
“Orsamento ne’ebe Parlamentu aprova hamutuk 975 vaga, maibe na realidade Ministru Edukasaun hatete katak iha fulan Agustu nia laran Ministériu Edukasaun Juventude no Desportu atu rekruta profesores hamutuk rihun rua (2.000) ba funsionáriu kontrataduu hanesan Deputadu iha dever tomak atu akompanha nafatin maibe orsamentu ne’ebe foti hodi aumenta ne’e kompeténsia governu nian”. Nia hakotu
Reporter : Ermelinda Soares
Editor : Luis Pailofo