MEJD Aprova Proposta Festival Ba Joven No Labarik Sira Iha TL

SAPNewsTL,Dili: Tuir Ministru Edukasaun Armindo Maia hateten proposta kona-ba dia festival nasional desportu ne’e aprova ona, iha proposta rua seluk mak sei hadia tanba sei presiza kompleta tan, objetivu husi proposta Festival ne’e atu foinsa’e sira bele promove no hatudu sira nia talentu hodi kompete iha nivel munisipal no nasional

.”Ohin proposta ida mak ita adia no presiza hadia buat balu, ida fali maka rezolusaun governu maka kona-ba premiu ba Joven, la’os rezolusaun governu ba dekretu lei,  ida fali aprova kona-ba dia festival nasional desportu ne’e aprova ona,  proposta rua ne’e ida, presiza ita maka hadia tanba iha buat balu ne’ebé maka Ita presiza kompleta liu tan no ida tan maka presiza rezolusaun governu iha hanoin ba fali dekretu lei”. Dehan Ministeiru Edukasaun Juventude no Desportu Armindo Maia ba jornalista iha palasiu  Governu, Dili, Kuarta-Feira, 10/08/2022.

Governante ne’e akresenta proposta tolu ne’ebé iha ho nia intensaun atu motiva labarik sira hodi haka’as an kompete iha nivél munisipál no nivél nasionál.

“Proposta tolu ne’e ida-idak ho nia intensaun; ida ba Juventude sira oinsa  atu motiva labarik sira ho nia kreatividade atu haka’as an hodi kompete iha aktividade festival ida ne’e, no rua ba festival nasional  desportu ne’e mos ita bele halo, ita kompete iha nivél munisipál, no nivél nasionál ”. Tenik nia

Ministru ne’e hatutan, desde primeiru ho segundu governu esforsu no nia rezultadu mak nune’e hela de’it maibé esforsu nafatin atu governu neineik bele rezolve hotu.

“La’os fasil, ita hatene katak esforsu ne’e mai desde primeru ho segundu governu, ita hatene nia rezultadu maka hanesan hela de’it, ne’ebé maluk sira hanoin katak governu ida ne’e bele rezolve hotu ona mais tinan sanulu resin lima (15) mos seida’uk resolve, ita esforsu nafatin para governu  neineik bele rezolve”. Nia subliña

Nia salienta, MEJD sei ajuda kadeira ho meza ba eskola 20.000 mil no sei prepara tan ba eskola ne’ebé mak sei falta.

“Los duni, komunidade sira forma familia no beioan barak-barak ona no ita haree labarik barak mak eskola no falta iha kadeira no meza, MEJD mos sei ajuda kadeira ho meza 20.000 mil ba eskola no ita preokupa liu ba iha fulan rua ou tolu nia laran sei prepara ba eskola ne’ebé mak sei falta hela kadeira ho meza”. Nia hakotu

Jornalista: Antonio Tilman

Editor: Luis dos Santos