Polémika Taís, Guvernu Buka Dalan Rezolve, MTCI Husu Komunidade koopera
SAPNewsTL, Dili: Relasiona ho polémika tais ne’ebe komunidade Oe-Cusse Foti hira iha fulan kotuk, Guvernu liu husi Ministeiro do Turismo Comercio e Industria (MTCI) promote sei simu fila fali tais ne’ebé inan feton sira foti fali ona tanba ne’e governu husu ba inan feton sira labele halo problema governu sei prontu atu selu.
Tuir Ministru MTCI hateten prosesu ba asuntu tais ne’e la’o hela mak inan feto sira ba foti tanba ne’e nia husu atu kopera ho governu atu bele finaliza prosesu ne’e.
“Inan feton sira ba foti fila fali tais ne’e mak husu dala ida tan tenke rekopera, parte governu nian sempre fasilita, prosesu la’o hela no nakloke, bele ba ko’alia ho Ministeiru atu halo prosesu ne’e no sei iha hela prosesu laran maka maluk sira ba foti tais ne’e la’os dehan la halo tanba ne’e husu maluk inan feton no tais nain sira atu kopera para ita bele finaliza lalais tiha prosesu ida ne’e”. Dehan Ministru Komersiu no Industria José Lucas do Carmo da Silva iha palasiu Governu, Kuarta-Feira, 10/08/2022.
Ministru ne’e akresenta, governu sempre responsabiliza ba programa sira ne’e tanba ne’e preokupasaun sira ne’ebé iha tenke kopera ho governu para fasilita selu fali sira nia tais.
“Momentu ne’e Sira foti tais, Ministru rona iha ne’eba dehan sira lori tama mai iha Parlamentu tanba ne’e husu para inan feton sira iha preokupasaun ida hanesan, ne’e tenke koopera ho governu para ita fasilita no selu fila fali sira nia tais ida ne’e no governu sempre responsabilidade ba progarama sira ne’ebe la’o”. Tenik Ministru
Governante ne’e hatutan governu fasilita atu halo promosaun no la’os fa’an atu governu sosa tanba ne’e governu nafatin iha nia pozisaun buka meius atu rezolve.
“Konserteza ida ne’ebé mak agora halo ne’e mak prosesu realokasaun orsamentu tanba inisiu, inisitiva ka programa ida ne’e halo atu governu fasilita halo promasaun; ne’e katak la’os atu fa’an para governu atu sosa maibé akontese ona hanesan ne’e ita buka meius atu resolve, ne’e duni husu inan feton sira tais nain sira atu koopera ho governu para bele rezolve problema, ida ne’e la’os problema bo’ot, ida ne’e governu sempre iha nia pozisaun atu bele rezolve”. Nia salienta
Entretantu, nia relata tan katak MTCI nafatin iha papel hodi diskute no koopera oinsa hodi bele lori fali tais ba ko’alia nune’e bele tau montante ba sira nia tais.
“Ministeiru ida ne’ebe tutela ka responsabiliza atu halo promasaun ba mediu pequenas emprezas mak MTCI, nafatin iha ninia papel para atu halo diskusaun tanba ida ne’e realokasaun tenke ba fali atu ko’alia ho Ministeriu para oinsa bele tau montante ba sira nia tais; tanba momentu sei halo realokasaun sira ba foti hotu tiha tais sira ne’e agora sira tenke lori fali tais sira ne’e ba para ko’alia para koopera Diretor sira, Koordenador Expo Dubai sira para oinsa ita bele halo ajusta sira ninia produtu ninia kustu sira ne’e”. Nia hakotu
Jornalista : Antonio Tilman & Ermelinda Soares
Editor : Luis Pailofo