Katuas Sira Deskansa, Evita Tu’ur Deit Ezije Saláriu, PM Taur Trava Rekrutamentu PNTL
SAPNewsTL, Dili : Primeiru Ministru (PM) no Ministru Interior (MI) Taur Matan Ruak Hala’o Enkontru Semanal ho Prezidente da Repúblika José Manuel Ramos Horta iha Palasiu Prezidensial Nicolau Lobato, hafoin enkontru ho Chefe Estado Taur Matan Ruak deside kansela Prosesu Rekrutamentu Polisia Nasional Timor Leste (PNTL) foun.
“Ha’u kansela tanba saida, Dezenvolvimentu Instituisaun hotu-hotu inklui (PNTL) tenki tau matan mos ba ita nia Ekonomia. Se ba han uituan, ita hatama ema barak, ne’e kualidade laiha, ba han la to’o, ita problema”. Dehan Primeiru Ministru iha Palasiu Prezidensial Nicolau Lobato Bairo-Pite Quinta-Feira (11-08-2022).
Governante ne’e fundamenta, uluk sai hanesan Jeneral, prioridade primeiru hakarak membru F-FDTL tenki liu tinan 20 mak bele atinji membru F-FDTL rihun-3 hahu husi 2001 to’o 2022, to’o tinan rua-nulu liu ona, membru F-FDTL nian foin to’o 2.600, maibe PNTL sa’e ona ba rihun 4
Primeiru Ministru hatutan membru PNTL no F-FDTL tenki haree ba ameasa no risku sira iha rai laran.
“Ha’u dehan ba sira, ha’u Mak Ministru Interior no Primeiru Ministru, PNTL nia rekrutamentu laiha, nune’e atu aumenta membru PNTL no F-FDTL mos tenki haree ba ameasa no risku iha rai laran, la’os hatama ema depois ba han de’it, ezije saláriu, tur de’it iha kaizerna, hotu-hotu tenki Servisu”. (hatutan Primeiru Ministru)
Entretantu, Primeiru Ministru sublinha membru PNTL ne’ebe ho idade 60 tenki deskansa fo fali oportunidade ba Joven sira.
“Se lae katuas hotu, ita La’o labele ona, hanoin mos la la’o ona, entaun orsida problema bo’ot, membru sira ne’ebe idade 60 tenki deskansa, nune’e fo fali ba Joven foinsa’e sira”. Nia tenik
Jornalista : Vinsensius Saldanha Morais De Araujo
Editor : Luis Pailofo