Derrota Dala Tolu & La Halo Golu ! Ekipa TL Sofre Golu 19

Imajem : Ekipa jogador feminina Timor-Leste & Austrália iha Vietnam, 13/08/2025. Foto : Média FFTL

SAPNewsTL, Vietnam : Association South East Asia Nations (ASEAN) Women’s Championship Msig Serenity Cup 2025 ne’ebe hala’o iha Vietnam, selesaun feminina Timor Leste lakon hasoru Austrália ho eskor 0 a 9, Myanmar ho eskor 0 a 3 no Filipina ho eskor 0 a 7.

Marciana Da Conceição Jurnalis : SAP News TL

Association South East Asia Nations (ASEAN) Women’s Championship Msig Serenity Cup 2025 ne’ebe hala’o iha Vietnam, Iha jogu datoluk, selesaun feminina Timor Leste lakon hasoru Austrália ho eskor 0 a 9, antes ne’e lakon hasoru Myanmar ho eskor 0-3 no selesaun Filipina halakon selesaun Timor-Leste ho 7 a 0.

Tuir órariu officiál, iha loron 07 Agostu, Ekipa Selesaun Nacional Feminino senior Timor-Leste joga hasoru uluk ekipa Filipina (0-7), loron 10 Agostu hasoru Myanmar (0-3), no iha loron 13 Agostu 2025 sei joga hasoru Australia (0-9).

Jogu Asean Women’s Championship MSIG Serenity CUP 2025, Vietnam mak sai uma na’in, nune’e Timor-Leste tama iha grupu B hodi hamutuk ho Filipina, Myanmar, no Australia.

Rezultadu hosi jogu tolu ne’e hatudu, ekipa Timor-Leste la hetan pontus no sofre golu hamutuk 19 tanba lakon ona dala tolu hasoru Filipina, Myanmar no Austrália iha grupu B.

Nune’e, selesaun feminina Myanmar no Austrália sei hakat ba faze tuir mai, enkuantu selesaun feminina Timor-Leste no Filipina la passa ba faze tuir mai hetan pontus kiik.