DIT Konkista Vitoria Kontra Zebra Ho Skore 2-1
![](https://sapnewstl.com/wp-content/uploads/2023/02/DIT-Vs-Zebra-FC.jpg)
Imajem DIT FC Vs Zebra FC, iha Estadium Munisipal Dili sabadu 25/02/2023
SAPNewsTL, Dili: DIT FC konkista vitoria kontra Zebra FC ho skore 2-1, tan ne’e klube refere hetan pontu tolu iha jornada dahuluk divizaun daruak Liga Timorense epoka 2023.
Jogu entre DIT FC kontra Zebra FC hala’o iha Estadium Munisipal Dili sabadu 25/02/2023
Iha jogu parte dahuluk kick off DIT FC konsege marka golu lais husi jogador Boaventura S. Klau iha minutu 1 hodi hatuur kedas skore 1-0, skore refere halo ekipa rua halo presaun no atake makaas ba malu ne’ebe tama ba minutu 12 Zebra FC tenki sofre tan golu ida husi jogador Lamberto Ximenes tanba baliza Zebra FC labele asegura nia redia husi jogador adversariu sira muda skore ba 2-0.
Skore 2-0 halo ekipa rua halo jogu nafatin tuir estratejia ekipa ida-idak halo kontra atake ba malu maibe to’o minutu 45 remata skore nafatin 2-0, DIT FC lidera jogu parte dahuluk ho skore 2-0.
Tama ba jogu parte daruak ekipa rua mantein ekipa idak-idak nia estratejia jogu halo nafatin kontra atake ba malu ne’ebe tama minutu 55 jogador Helio Ribeiro husi Zebra FC marka golu halo baliza DIT FC la asegura nia redi ne’ebe muda kedas skore ba 1-2.
Skore 2-1 halo ekipa rua nia ritmu jogu aumenta manas tan maibe ekipa rua la fo oportunidade ba malu atu aumenta golu ne’ebe to’o minutu 90 remata skore nafatin 2-1 ne’ebe rezulta DIT FC konsege konkista pontu tolu iha jogu dahuluk divizaun daruak Liga Timorense 2023.
Depois jogu remata treinador DIT FC Meal Arman hatete, ohin sira manan maibe nia la satisfaz ho nia jogador sira jogu tanba jogador sira halo jogu la tuir treinador nia instrusaun no jogador joga muda jogu la tuir treinador nia tekniku.
“Ohin ami manan maibe la sente satisfaz tanba jogador joga la tuir, ha’u nia tekniku nian, iha jogu parte daruak ha’u fo instrusaun sira muda fali la halo tuir tanba Zebra FC joga uza fiziku tan ne’e, ha’u husu sira labele halo joga iha lina mediu nian no jogador lina klaran sira kaer kleur tuir lolos ida ne’e mak jogador sira labele halo hodi nune’e Zebra FC halo presaun makaas ba ami”, tenik Meal Arman
Mela Arman hatutan, sira nia joga domina bola maibe sira la joga iha lina sira hotu barak liu joga iha linan klaran ne’ebe sira senti susar tebes iha jogu parte daruak nian no joga tuir main sei joga all out kontra Nagarjo FC tanba jogu hotu sira senti hanesan final, treinador sei muda estratejia iha loron ohin hodi troka jogador sira ohin line up ne’e
Iha sorin seluk treinador Zebra FC Rogerio Moc dehan, iha jornada dahuluk sira lakon maibe ne’e normal tanba ohin sira nia kualidade ritmu jogu dook tebes ho adversariu maibe sira sei hadia iha jogu tuir mai
“Kualidade ritmu jogu ami lakon dook ho DIT FC tanba ami prepara ladun masimu maibe ohin minutu nia laran rezultadu jogu hatudu nia grafiku la dook husi adversariu nian no ha’u sei hadia jogador sira joga iha jogu tuir mai tanba sei iha jogu hitu, lakon ho 2-1 iha jornada dahuluk ne’e normal ba ami maski iha jornada dahuluk esperansa hakarak impata selae manan”, tenik Rogerio
Rogerio akresenta, rezultadu jogu ohin sira sei halo evaluasaun hodi para joga tuir mai sira bele hetan pontu asegura klube ne’ebe sira sei hadia iha lina defeza tanba ohin sira seidauk iha komunikasaun diak tanba durante sira mos la halo jogu amizade ekipa sira seluk.
Reportajen: Augusto dos Santos