Selebra Aniversáriu Dahuluk, SECOMS Parabeniza SAPNewsTL Ne’ebe Idéntiku Ho Jovens
Sekretaria Estadu Komunikasaun Sosial (SEKOMS), Merício Juvinal dos Reis Akara
SAPNewsTL, Dili : Relasiona ho Aniversariu dahuluk ba ezisténsia Mídia Sa’ani Assamana Prazer News Timor Leste (SAPNewsTL), antes ne’e liu husi vizita Sekretaria Estadu Komunikasaun Sosial (SEKOMS) iha loron 01 fulan fevereiru liu ba, Merício Juvinal dos Reis Akara parabeniza SAPNewsTL tanba bele hamriik metin to’o tinan no selebra ninia aniversáriu
“Ba SAPNews, Ha’u nia parabens ba imi hotu, ha’u orgullu mai imi nia fatin, hateke husi imi nia komitmentu, inspira ha’u, atu hatete katak Timor oan sira iha espíritu volutarizmu ne’ebe makaas hodi kontribui ativa ba desemvolvimentu liberdade imprensa no expressaun iha ita nia nasaun”. Dehan SEKOMS Merício Juvinal dos Reis Akara, iha Sede SAPNewsTL, Bekora, 01/02/2023
Imajem Diretor SAPNewsTL tara tais ba Representante Konsellu Imprensa Espedito Dias Ximenes
Entretantu, Konsellu Imprensa de Timor Leste Espedito Dias Ximenes mos fo agradesimentu no parabens ba SAP News tanba bele hamriik hamutuk fortifika demokrasia iha Timor Leste
“Lori Konsellu Imprensa ninia naran, ha’u hato’o parabens ba Midia SAPNews Timor Leste ne’ebe bele hamriik, hamutuk ita fortifika ira nia demokrasia, normalmente média iha papel haat hanesan, Kontrolu sosial, informa, eduka no diverte sosiedade, Parabens ba imi hotu”. Tenik Konsellu Imprensa Timor Leste Espedito Dias Ximenes, Salaun INAP, I.P, Dili, 24/02/2023
Imajem Pe. Mouzinho Pereira Lopes dadalia ho Jornalista sira husi Hatutan, Loluwari, Business Timor, Dili Post, Intedepent, Nuanil, TVE, no seluk tan iha, Salun INAP, Dili, 24/02/2023. Foto : Grigorio Saniba
Iha fatin hanesan, Konselleiru Midia SAPNewsTL Pe. Mouzinho Pereira Lopes mos hato’o parabens ba Mídia ho estrutura midia SAPNewsTL tomak ne’ebe halo tinan ba dala ida
“Parabens ba SAPNews, Imi jovens tenki kaer metin buat tolu ne’e, Rona Fila Fila, Aprende Barak no La’o Barak nafatin, Basá imi la’o barak sei hatene buat barak, esforsu liu tan hodi hasa’e no hadia imi nia kualidade profissionál hanesan mídia nasionál iha ne’ebe idéntiku ho joven sira”. Hatete Konselleiru Pe. Mouzinho Pereira Lopes, iha nia diskursu, Dili, 24/02/2023
Entretantu, Presidente Mídia SAPNewsTL Clementino Bragança Machado mos orgullu no hato’o obrigadu ba parte hotu ne’ebe konsege kunhese média ne’e no konsume produtu ne’ebe produz husi Mídia SAPNewsTL
“To’o ohin loron Mídia SAPNewsTL hetan ona viewers husi wensite hamutuk 250.453 mill, YouTube hamutuk 800.000 ho followers hamutuk 5.4 mill, portantu iha Facebook visitors hamutuk 3.5 milliaun durante fulan fevereiru, la konta ho visitor sira janeiru 2023 ba kotuk, ami nia orgullu no agradese ba ema hotu ne’ebe konsege asesu ona ami nia notísia sira hotu, ami sei servisu makaas liu tan hodi servi imi hotu liu husi hatutan no habelar imi nia lian, tanba imi nia lian maka ita hotu nia lian”. Tenik Presidente SAP News TL ba Jornalista SAPNews TL iha Dili, 26/02/2023
Presidente Midia Sa’ani Assamana Prazer News Timor Leste, Clementino Braganca Machado
Enkuantu, Midia SAPNewsTL hari’i husi Formandu Kursu Profisional Jornalismu, Universitariu sira, no finalista sekunáriu sira ne’ebe agora daudaun hamutuk ualunulu resin, entre sira maiz ou menuz 40 Jornalista mak mais ativu hodi reforsa media ne’e, mídia ne’e hari’i iha loron 26 Fulan Fevereiru Tinan 2022, ohin loron 26/02/2023 selebra ba tinan 1 ninia ezisténsia
Jornalista : Aquelinha Taec