Eis PM Taur Desmantela Gabinete Iha Farol, “Laiha Ema Ida Iha Lei Nia Leten”
Imajem : Gabinete Eis Titular Farol, Dili, 29/09/2025. Foto : Média Gabinete Eis Titular
SAPNewsTL, Dili : Eis Presidente República no Primeiru Ministru, Taur Matan Ruak desmantela ona Gabinete Eis Titular no deside la uja ona karreta estadu desde lei pensaun vitalísia pasa iha Parlamentu Nasionál ho votu a favor 62.
Desmantelamentu ne’e akontese ligadu ho Revogasaun Lei Estatutu Titular Orgaun Soberanu ne’ebé Parlamentu Nasionál aprova ona iha semana kotuk, loron 26 Setembru 2025.
“Eis Prezidente Repúblika periodu 2012-2017, Taur Matan Ruak deside desmantela ona nia Gabinete Eis Titular ne’ebé lokaliza iha Farol, no deside mós la uja ona karrea Estadu ne’ebé atribui ba nia tuir Lei númeru 7/ 2007, loron 25 fulan jullu Jullu kona-ba Estatudu Titulares Orgaun Soberania nian”. Sita Página Oficial Eis Primeiru Ministru Taur Matan Ruak, Dili, 29/09/2025
Aleinde ne’e Eis Gerileiru FALINTIL tinan 24 ne’e mós hahú segunda ohin suspende hotu enkontru sira ne’ebé agendadu ona ho entidade relevantes oioin ba tempu indeterminadu.
Eis Funsionáriu sira mós hahú rekolla no aruma ona sasan privadu Sr.Taur Matan Ruak nian iha Gabinete Eis Titular nian, enkuantu hein karta ofisial hosi Governu hodi entrega Uma Estadu.
Kona-ba seguransa pessoal, Taur Matan Ruak sei hein despasu hosi Ministru Interior bainhira mak dada fila CSP sira nebe fo eskolta ba TMR fila fali ba sira-nia unidade.
Maibe tuir Lei Militar Taur Matan Ruak hanesan Eis Jenerál F-FDTL, sei hetan nafatin seguransa pesoal hosi Polisia Militar.
“Lider Taur Matan Ruak kumpri lei no hatudu ezemplu, katak iha katak iha nasaun ne’e la iha ema ida iha lei nia leten”. Sita Média Eis Primeiru Ministru Taur Matan Ruak
Notisia Relevante :
𝗠𝗮𝗿𝗶 𝗔𝗹𝗸𝗮𝘁𝗶𝗿𝗶 𝗗𝗲𝗸𝗹𝗮𝗿𝗮 𝗦𝗲𝗶 𝗛𝘂𝘀𝗶𝗸 𝗥𝗲𝘀𝗶𝗱𝗲𝗻𝘀𝗶𝗮 𝗙𝗮𝗿𝗼𝗹, “𝗟𝗮𝗶𝗵𝗮 𝗕𝘂𝗮𝘁 𝗜𝗱𝗮” !
SAP News TL, Dili : Durante partisipa iha Atividade Asembleia Suku iha suku Santa Cruz, Dili. Sekretariu Jeral Partidu FRETILIN Marí Bin Amude Alkatiri deklara sei husik Residênsia Farol ne’ebe uza durante ukun rasik an.
Fundador & Secretario Geral Dr. Mari Alkatiri fo sai lia hirak ne’e tanba iha ona desizaun hodi eis titular husik uma estadu nian ligadu ho revogasaun lei pensaun vitalísia ne’ebe Parlamentu Nasionál aprova foin lailais ne’e.
Marí Alkatiri hateten nia parte foti ona sasan balun hodi muda ba uma tanba laiha direitu ba uma estadu.
“Ha’u agora foti hela sasan atu muda uma, tanba ha’u laiha direitu ona ba uma estado ha’u fundador ha’u fo tinan 55 husi ha’u-nia tinan-75 ba rai ida ne’e no povu ida ne’e agora laiha direitu”.
“Se ha’u deit mak laiha direitu, problema mak ha’u, ha’u laiha direitu, labuat ida mais favor ida labele dudu tan ema seluk ba kick, labele dudu tan saida mak agora dadaun sira simu ba sira nia moris no ba sira oan dudu sira ba kiak ne’e laloos”. Hateten Sekretariu Jeral FRETILIN Marí Alkatiri iha Kintal-Boot, 28/09/2025. Sita página Oficial Marí Alkatiri
Alkatiri husu, karik iha lider polítiku balun la gosta, bele hasoru nia hodi ko’alia.
“Se la gosta ha’u hasoru ha’u deit, ha’u hasoru imi, ohin dala ikus mak ha’u mai ho seguransa polisia.” Afirma Alkatiri
Iha sorin seluk, Eis Presidente República no Eis Primeiru Ministru Taur Matan Ruak mós sei husik Residênsia Farol ne’ebe durante ne’e uza, oras ne’e hahú arruma ona sasan balun ne’ebe konsidera privadu hodi lori ba uma.
Lembra falu katak iha loron 23 fulan Setembru 2025, Eis Primeiru Ministru Taur Matan Ruak hala’o mós sorumutu ho eis Primeiru Ministru Marí Bin Amude Alkatiri iha Residênsia Farol.