Elizeu Promete Tane Aas Lialos & Povu Nia Lian Maka RTTL, E.P
Imajem : Prezidente Konsellu Administrasaun RTTL E.P Elizeu Issac Fernandes ho estrutura sira iha Palásiu Governu Dili, 13/03/2025
SAPNewsTL, Díli- Ministru Prezidente Konsellu Ministru Agio Pereira hamutuk ho Sekretariu Estadu Komunikasaun Sosial Expedito Loro Dias Ximenes fo Posse ba atual Presidente Radiu Televizaun Timor-Leste Empreza Publiku (RTTL E.P) Elizeu Isaac Fernandes hodi lidera RTTL E.P durante periodu 2025-2029.
Iha loron 26 fulan Fevereiro tinan 2025, Conselho de Ministros exonera Sr. José António Belo ‘Taraleu (Presidente Cessante) no nomeia Sr. Elizeu Isaac Fernandes (Presidente Foun), liu husi Resolução do Governo n. 15/2025, de 17 de março.
Presidente Conselho Administração Rádio no Televisão Timor-Leste, Empresa Pública, nomeiado no exonerado husi Conselho de Ministros, liu husi proposta membro Governo ne’ebe responsável ba área Comunicação Social.
RTTL, E.P hanesan media estadu nian nafatin hala’o knaar hanesan orgaun komunikasaun sosial ne’ebe hakruk ba prinsipius jornalismo ho codigo etika jornalismo nian, nune’e nafatin hatudu imparsialidade no neutralidade.
Presidente RTTL E.P foun ne’e kompromete atu serbisu kolaborativamente ho parte relevante hotu-hotu ekipa RTTL sei dedikadu, hakoak nafatin parseiru no ajensia nasional no mos internasional, governu, órgaun reguladór no povu Timor-Leste.
Prezidente agradese ba IX Governu konstitusionál lideradu hosi Primeiru Minstru Kay Rala Xanana Gusmão hamutuk ho membru governu hotu ne’ebe tula konfiansa hanesan bibi atan ida ba haknaar an iha RTTL E.P. hodi serve Timor-Leste.
“RTTL ho misaun mak atu serbí povu ho konteúdu ne’ebé informativu, edukativu. Ita hotu iha responsabilidade atu garante katak RTTL sai nafatin instituisaun ida ne’ebé kredivel no independente ne’ebé tane aas valór lia-loos, transparénsia, no integridade jornalístika.Ábitu konsumu informasaun mídia nia evolui, RTTL tenke adapta no halo inovasaun atu garante RTTL nafatin relevante no asesivel ba komunidade hotu-hotu”.
“Hahú hosi sentru urbanu sira to’o área remota, RTTL sei promove valór sira liberdade imprensa, no jornalizmu ida ne’ebé responsavel, hodi garante katak RTTL sai nafatin plataforma hetan konfiansa hodi fornese reportajen ne’ebé ekilibradu no loos”.Dehan Prezidente RTTL iha nia diskursu iha Salaun Palasio Governo, Kinta, 13/03/2025.
Isaac hatutan “Ha’u laran metin katak ho esforsu koletivu, ita bele hasa’e RTTL ba nivel foun.Mai ita servisu hamutuk hodi tane aas valores profisionalismu, kreatividade, no responsabilidade garante katak RTTL kontinua sai pilar vital ba ita nia demokrasia no identidade kultural”.
Nia afirma katak, “RTTL hametin RTTL informa, inspira, no eduka lideransa foun ho vizaun foun, RTTL ida deit, povu ninia lian maka RTTL nia compromissu ba maluk sira hotu iha RTTL.EP, atu ita avansa hamutuk”.
“Ita nia forsa maka iha serbisu ekipa, integridade, no vizaun ida ho exelénte, dezafiu sira ne’ebé ita hasoru husi avansu teknolojiku, fiar metin katak ho inovasaun, paixaun, no esforsu koletivu, ita bele ultrapasa dezafiu sira, hateke ba edifisiu foun RTTL ho Naran eroi boot David Alex Daitula, inspira no fanun, ita hotu ne’ebe debe hela ba dedikaasaun no sakrifisiu eroi sira nian, sira nia mate maka nakfilak ona rai ne’e sai Nasaun”.
Prezidente ne’e akresenta, jerasaun foun sira hakat ba oin hamutuk, haforte legadu sira ne’ebé eroi sira husik hela, kuida halo diak liu tan, tuir kapasidade hosi jerasaun foun ida idak ne’ebé haknar aan iha.
Iha fatin hanesan, Sekretáriu Estadu komunikasaun Social Expedito Loro Dias hateten, ohin Cerimónia Tomada de Posse ba Presidente foun conselho Administração Rádio no Televisão Timor-Leste, Empresa Pública, RTTL, E.P, ba mandatu tinan 4 hahú husi tinan 2025 to’o tinan 2029.
“Ba Presidente foun, enkoraja ita boot atu servisu ho dedicação, paixão no hamutuk ho jornalistas no trabalhadores sira hotu imi bele oferese komunikasaun ida ne’ebe imparsial, transparente no iha qualidade”. Hatete Expedito
Sekretario Estadu husu ba konsellu administrasaun hotu atu gere ho responsabilidade no prinsipiu boa fé, rekursu públiku ne’ebe iha, buka forma no estratégia oioin hodi bele garante RTTL. EP ninia bom funsionamentu, nune’e bele responde duni nesessidade povu nian iha setor komunikasaun sosial liu-liu garante povu nia direitu hodi hetan informasaun ne’ebe los no kredível.
“Utiliza rekursu estadu nian de melhor forma possível, foca ba objetivos consagrados iha Contrato de Concessão, cria mecanismos hodi bele resolve problemas de uma forma ágil no halo gestão eficaz no eficiente ba dinheiro público hodi bele garante sustentabilidade no sucesso RTTL., E.P.”. Nia husu
Governante ne’e fo agradese ba presidente sesante José Taraleu tanba dedika ninia servisu durante mandatu ho diak no hatudu prestasaun, nia husu mós ba jornalista no trabalhador sira hotu atu bele servisu hamutuk, servisu ho dedikasaun no empenho tamba RTTL, E.P. nia suscesso depende ba jornalista no traballador sira.
Jornalista : Ermelinda Soares
