Ema 185 Afetadu Ba Dezastre Naturais ! APC Evakua 99
Imajem : Xefi Seksaun Relasaun Externa APC. Nelson Nunes de Oleans iha Salaun APC Caicoli,10/03/2025
SAPNews TL, Díli — Durante loron tolu (3) to’o loron 10 fulan fevereiru tinan 2025 Autoridade Protesaun Sivil (APC) Timor-Leste rejistu tipu kazu dezastre naturais hamutuk tolu nulu 30 vitima afetadu dezastre naturais hamutuk 185 no evakua 99 iha rejiaun Timor-Leste.
Tuir Xefi Seksaun Relasaun Externa APC Nelson de Oleans informa, Komandu operasional APC Munisípiu serbisu hamutuk ho autoridade lokal no parseiru sira hala’o hela levantamentu detailhus ba sasan estragus no lakon iha munisípiu ualu (8) ne’ebe identifikadu.
“APC liu husi Gabinete Relasaun Externa no Komunikasaun rejistu tipu kazu dezastre naturais hamutuk 30 iha rejiaun Timor-Leste, hahu akontese iha loron tolu 3-10 fulan fevereiru 2025 tipu dezastre hanesan anin sobu uma, ahi han uma no rai halai, ami rejista ema afetadu 185, APC evakua ema hamutuk na’in 99”. Dehan Xefi Seksaun Relasaun Externa APC ba jornalista sira iha Salaun Konferensia APC Kaikoli, Segunda (10/03/2025)
Fo hanoin fali katak, tuir dadus rejistradu ne’ebe komandu operasional APC munisípiu hato’o katak
hahú husi loron 17 to’o 24 fevereiru, APC rejistu uma 600, prense kriteria 77, numeru afetadu 516 ema evakua 16 iha Munisípiu Atauro, Dili, Ermera, Lautem no Viqueque.
Enkuantu, hafoin akontesimentu Autoridade Protesaun orienta kedas ekipa tun direita ba lokal akontesementu hodi halo levantamentu ba tipu dezastre no fornese apoiu emerzensia hanesan food item no non food item ba familia vitima sira.
“Hahu husi 24 to’o loron tolu 3 Marsu, ami nia ekipa APC rejistu tipu kazu dezastre hanesan anin boot, rai halai, no ahi han akontese nafatin iha rejiaun Timor-Leste, nune’e Autoridade Protesaun Sivil alerta ba publiku liu-liu ba komunidade sira ne’ebe hela iha foho lolon mota ninin, atu dok husi risku ba dezastre” Nia hakotu.
Jornalista : Guilhermino Ramos da Cruz
