Embaisador Bill Costello Vizita Sede PD, Assanami : Australia Sei Nafatin Apoia TL
SAPNewsTL, DILI: Embaisador Australia Bill Costello vizita ba Sede Partidu Demokrátiku, Presidente Partidu Demokrátiku Mariano Assanami Sabino Hateten objetivu husi vizita ida ne’e, koalia kona ba Australia nia apoia ba Timor-Leste ne’ebe iha durante ne’e liliu iha setor Agrikultura e Peskas, Pekuária no Ekonomia
“Ohin Embaisador Australia mai vizita Sede Partidu Democratiku(PD) hodi ko’alia konaba programa lubuk ida ne’ebe mak durante ne’e Australia fo apoio ba Timor-Leste(TL), ita hotu hatene katak nasaun Australia mak nasaun ida ne’ebe besik ho TL desde seidauk independénsia, Australia fo apoio ona to’o agora mos Australia nafatin fo apoio ba Timor-Leste.”dehan Prezidenti Partidu Demokratiku Mariano Assanami Sabinu ba jornalista sira iha sede PD sexta feira(24/06)
Prezidenti Partidu Demokratiku Mariano Assanami hatutan sorumutu ne’e mos koalia konaba trabalhador sira ne’ebe mak ba servisu iha Australia hanesan servisu iha area Agrikultura, Peskas i Pecuária.
ʺMicro laboratorium, Nucleu laboratorium ne’ebe mak halo ba agrikultura ne’e importante tebes mai ita, nune’e bele estabelese sanitária system hanesan parte ida ba BTO (British Trust for Ornithology ) nian parte ida ne’ebe mak importante para ita bele tama iha Asean״. Nia informa
Nia akresenta vizita ida ne’e mos oinsa atu hadia diak liu tan Timor-Leste nia setor agrikultura, nune’e bele hasa’e TL nia ekonomia iha rai laran diak liu tan
ʺIta mos servisu ho nasaun Australia konaba ita nia Tasi Timor, ita mos koalia City Air triangle, ne’ebe Australia sai hanesan observador iha ne’eba, Tanba ne’e mak ita iha servisu lubuk ida mak ohin embaisador mai vizita hodi koalia ho Partido Democratika(PD) konaba programa sira ne’e i PD mos sei kontribui ba programa hirak ne’ebe mak entre rai rua ne’e nian״. Tenik Presidente PD Mariano Assanami
Iha fatin hanesan, Embaisador Australia Bill Costello hateten ohin vizita Partido Demokratiku atu hatene diak liu tan, tanba hanesan embaisador foun atu mai introduz an hodi servisu hamutuk no hametin koperasaun ba futuru
“Nia hanesan Prezidente Partidu i Eis MAP (Ministru Agrikultura e Peskas) nian ne’ebe mak iha interese barak iha area agrikultura nian i ohin koalia konaba programa lubuk ida ne’ebe iha, koalia mos konaba seguransa marítima nian, peska ilegal sira no mos nasaun Australia nia apoio ro funu rua ba klasse verdial ne’ebe mak atu mai iha tinan oin״. Hatete Bill Costello
Enkuantu, sorumutu ne’e mos parte Embaisador Australia no Prezidente Partidu Demokratiku (PD) koalia mos programa sira ne’ebe mak halai liu ba iha setor ekonomia no pekuária nian.
Jornalista: Lidia Amaral & Vitoriana Brites