Guterres : “Lu Olo Mak Mate Maibé Espíritu Moris Iha FRETILIN & Povu TL”

Imajem : Espesial

‎SAPNewsTL, Díli : Família hamutuk ho estadu Timor-Leste halot ona Eis Presidente Repúblika, Prsidente Asembleia Konstituiente no Presidente FRETILIN Saudozu Francisco Guterres Lu Olo iha Jardim dos Herois Metinaro.
‎
‎Iha diskursu, representante família Domingos Guterres fo agradese ba povu no estadu Timor-Leste ne’ebé apoia serimónia funeral to’o remata.
‎
‎”Agradese ba povu Timor-Leste, ami orgullu tanba serimónia hothotu partisipa, ne’e mak Lu Olo duni, Lu Olo ema ida simples, humilde maibe sai ezemplu ba ema hotu, modelu ida ne’e labele mate, Francisco mak mate maibe ispíritu Lu Olo tenki moris iha partidu laran”.
‎
‎Sekretariu Jeral Partidu FRETILIN Mari Alkatiri hateten Saudozu Lu Olo fisikamente dook maibe emosionalmemte hamutuk nafatin ho familia, “ohin lori nia mai deskansa iha Jardim dos Herois, ne’e rekunhesimentu ida ampla, transversal no interjerasional”.
‎
‎”Ha’u agradese mós ba estadu, instituisoens hotu-hotu ne’ebe apoia no akompanha Lu Olo nia loron ikus, forsa ba ita, ba familia sira, moris ho FRETILIN iha fatin ba ita iha”.
‎
‎Serimonia funeral ne’e partisipa hosi Presidente Repúblika Jose Ramos Horta, Primeiru Ministru Interinu Mariano Assanmi Sabino inklui membru governu sira, Presidente Parlamentu Nasional ho deputadu sira, Jeneral F-FDTL Falur Rate Laek. eis titular sira no povu Timor-Leste

‎