Empodera Labarik Feto Iha TL, Plan Implementa Programa Labarik Feto Foti Pozisaun
Imajen SEKOMS Mericio Juvinal Akara ho Selfiana Soi da Graca iha Palasiu do Guvernu, 04/10/2022
SAPNewsTL, DILI : Relasiona ho Loron Mundial ba Labarik Feto ne’ebe sei selebra iha Loron 11 Fulan Outobru ne’e, Plan Internasiona Timor Leste liu husi kordenasaun ho Sekretariu Estadu Komunikasaun Sosial (SEKOMS), iha ne’ebe fo espasu ba Selfiana Soi da Graça hanesan Labarik Feto sei Foti Pozisaun nu’udar SEKOMS durante oras ida
Objetivu husi Programa Labarik Feto Foti Pozisaun ne’e atu promove, no empodera labarik feto sira iha kontextu partisipasaun feto ba desenvolvimentu nasaun nian
Tuir manager program ba impodera labarik feto iha Plan Internasionál Ela Mota hateten Misaun Plan nian maka atu servisu ba direitu labarik nian hodi promove justisa no igualidade ba labarik feto sira
“Plan nia target iha Aileu ho Ainaru, tinan ida ne’e ami loke mos iha RAEOA, Baucau, Suai no Dili, Plan nia misaun mak servisu ba direitu labarik nian no promove protesaun ba labarik, luta ba mundo ne’ebe justu no igualidade ba labarik feto iha area hotu-hotu, tina-tinan ami selebra loron internasional ho labrik feto sira ne’ebe monu iha loron 11 Fulan Outobru”. Dehan Programa Manager Ba Empodera Labarik Feto Ela Mota ba jornalista sira iha palasiu do Governu, Terca-Feira(04/10/2022)
Entretantu nia akresenta, iha tinan ida ne’e labarik feto hamutuk 58 mak foti pozisaun iha kargu oioin hanesan presidente, ministra, sekretariu estadu, NGO sira, director sira inklui sira seluk
Imagen Intervista Manager Program Empodera Labarik Feto Ela Mota
“Ami hanesan organizasaun ne’ebe tau matan ba labarik feto, ami mos fo oportunidade iha loron internasonal ba labarik feto ida ne’e hanesan oportunidade ba sira hatudo ba mundo katak labarik feto mos bele, sira hamutuk 58 mak foti pozisaun sira, ami empodera sira aprende barak liu tan oinsa lidera iha futuru, dezenvolve sira nia an hanoin ne’ebe mak kritiku fiar an atu lao ba oin”. Nia sublinha
Manager Program ne’e konsidera biban ne’e nu’udar esforsu ida, iha ne’ebe apoia hodi halo mudansa ba sira rasik iha parte external tantu internal hodi bele ajuda sira atu atinji sira nia mehi iha futuru
Entretantu, Plan Internasional mos hambrik hodi luta ba justisa sosial ba feto no labarik feto iha mundu hodi alkansa labarik hotu ne’ebe bele moris diak no dignu
Jornalista : Esmeralda Da Silva & Marcelha Merry Da Costa
Editor : Ekipa Editorial