ETI-Dili Komemora Dies Natalies Ba Dala XII Ho Progressu no Prestasaun
Reportagem Jonh Marito, Dili, 30 Abril 2022 : Eskola Téknika Informátika de Dili Komemora Dies Natalies Ba Dala 12 ho Tema Desenvolver a Mentalidade e o Talento dos Estudantes para Reforçar o Cunhesimento das Ciensias atravez da Atividades Extracurriculares
Iha Diskursu Director da Escola Téknika Informátika de Dili Sr. Deonizio de Jesus Ximenes hateten desde tinan 2009 to’o 2021, ETI-Dili konsege produz ona estudante finalista hamutuk rihun ida atus sia ualunulu resin-ida (1981), estudante sira ne’e agora daudaun balun servisu iha instituisaun estadu nian, emprezária sira no balu ohin loron hanorin iha eskola ida ne’e. dehan Sr. Deonizio.
Entretantu, director ne’e akresenta, eskola ETI-Dili uluk hahu ho departamentu ida deit, maibe ho evolusaun no prestasaun servisu ne’ebe iha, to’o ohin loron ita iha ona departamentu sia hanesan Tékniku Linguagem Programasaun, Tékniku Jestaun Ekipamentu Informatiku, Tékniku Multimendia, Tékniku Eletrisidade, Tékniku Eletrónika, Tékniku Konstrusaun Sivil, Tékniku Kontabilidade, Tékniku Komersiu no Tékniku Hotelaria e Turizmu.
Nia konta konta katak, Estudante ativu iha Eskola Sekundaria Téknika Informátika de Dili tinan 2022 ne’e hamutuk kuaze rihun ida husi departamentu sia inklui ho nia professores sira, nia garante ba oin sei desenvolve halo diak liu tan hodi kontinua produz rekursu humanu kualidade ba ita nia rai doben Timor-Leste. Nia fundamenta.
Enkuantu, Komemorasaun Dies Natalis ida ne’e hetan partisipasaun maksimu husi Estudante ativu kuaze rihun ida, alumni ETI, Inan Aman Estudante nian inklui konvidadus sira husi instituisaun guvernu. Tenik Direktur ETI Sr. Deonizio de Jesus Ximenes, Fomentu II, 30 Abril 2022.
Jornalista : Jonh Marito
Editor : Luis Pailofo