Estudante Departamentu Relasaun Internasioal UNTL Halo Abertura Ba Ensinu Ho Semináriu

Sapnewstl, Luz-Clarita, Dili : Ministro Presidénsia Kosello Ministros Sr. Fidelis Manuel Leite Magalhães sai orador Iha Serimónia Abertura  Universidade Nasionál Timor Lorosa’e (UNTL), Departamentu Relasaun Internasional anu lektivu 2022 ho tema ‘Politika Eksterna Timor Leste Ba Interese Nasionál Iha Era Global’.

Tuir Ministro Presidensia Koselho Ministros Sr. Fidelis Manuel Leite Magalhães hateten katak abertura ne’e hanesan oportunidade ida mai ha’u hodi ha’u ko’alia hanesan akademiku ida ba estudante sira husi Universidade Nasional Timor Lorosa’e (UNTL), departamentu Relasaun Internasional.

‘’Ha’u aborda prinsipalmente ba kestaun relasaun externa no oinsa ita hanesan estadu soberanu ida formula ita ninia politika externa iha era globalizasaun, ha’u halo analiza ida kona ba posibilidade sira iha Timor Leste kona ba pontu forte, fraku sira no ferramentu sira ba iha politika atu nune’e Timor bele hetan komanda respeitu Timor ninian iha mundu internasional, ao mesmu tempu dudu ba oin tan interese internasionais Timor Leste nian’’. Dehan Ministro Presidensia Kosello Ministros Sr. Fidelis Manuel Leite Magalhães

Fidelis fundamenta, ‘objetivu principal atu aumenta liu tan krítika ba kapasidade analiza halo reflesaun, dejafia sira no deskute entre sira no fim Timor Leste bele hetan espesialista ne’ebe kompetente duni  iha area relasaun internasional. Dehan Minstro Fidelis ba Sapnewstl iha Salaun Luz-Clarita

‘Tema ne’ebe ohin ha’u fahe ba estudante depende ba estudante sira, maibe ohin ha’u halo abordajem teoriku ida, depois liga ba sira iha relasaun internasional ho pratika relasaun internasional nian, oinsa ita rasik hanesan estadu ida kontribui ba debate kontemporanea sira iha area relasaun internasional, ao mesmu tempu bele halo analiza ho objetividade ba ita nia interese sira tamba onda sira  relasionamentu entre estadu sira iha mudansa geopolitika, mudansa  politika internasional demanda ke ita iha, mudansa hirak ne’e ita bele kompriende, iha kapasidade ne’ebe bele identifika no kompriende ba mudansa sira ne’e, para ita preparadu ba mudansa saida deit mak mosu iha relasaun internasional’. tenik Ministro Fidelis iha Salaun Luz-Clarita, 02 Maiu 2022

Iha fatin hanesan, Diretur Akademika Recursos Relasaun Internasionais  Bernardo Idalina Leto hateten ‘ Seminar ida ne’e baibain sira loke kada tinan kuandu atu loke anu lektivu foun, sira sempre fo semináriu públiku baibain aproveita sira nia serimonia lasu amizade (Bin Akrab).

‘Entaun estudante foun sira tama antes atu hahu sira nia aula, sira sei hahu uluk sira nia semináriu, nia vantagens fo ba estudante sira. Partisipante sira relasões internasionais lubuk ida no semináriu ne’e nia tópiku rua ligasaun internasional bele aumenta sira nia kunhesimentu  no espera husi tópiku sira ohin ne’e bele hamosu ona sira nia hanoin no ideias balu no bele halo proposta rasik ba relasaun internasional’. Nia hakotu

Reportagem : Antonina l. Silva, Conzita Mota

Editor : Benezia C. Reis, Jonh Marito