Komunidade Musulmanu Iha Timor Leste Selebra Loron Idul Fitri Ho Fraternidade
Sapnewstl, Dili- Komunidade Musulmanu Iha Timor Leste Selebra Loron Idul Fitri ka loron ksolok, loron Vitoria Ho Fraternidade, Unidade, Paz no Domin iha moris tuir regra Musulmanu hodi hametin relasaun entre ita ema ho maromak no relasaun entre ita ema ho ema.
Tuir Vise Presidente Komunidade Musulmanu Iha Timor Leste Sr. Inacio Soares hateten “ami simu loron ksolok loron Vitoria durante 30 dias ami hala’o ami nia mês de sagradu, Jejum Rahmadan, ohin loron ema barak signifikamente katak Feliz Ramahdan, kompara ho tinan kotuk liu ba iha momentu ne’eba, ami la halo buat barak tanba ami kumpri ordem husi estadu nu`udar lider relisiosu. Tenik Vise Presidente Komunidade Musulmanu Iha Timor Leste Sr. Inacio Soares, Dili, 02 Abril 2022
“ha’u mós humanu, ami iha nafatin esperansa, ami nafatin reza ba rai doben ida ne’e liliu ba ita nia lider no estadu iha rai doben ida ne’e, espera katak ba ita importante ida mak liu husi ita nia doutrina oinsa ita atu estabelese nafatin fraternidade, paz, no dame, unidade iha moris tuir regra Musulmanu nian, relasaun rua ne’ebe ke sai prinsipal horizontal no mos oinsá atu hala’o relasaun entre ita ema ho ema no mos ita ema ho Nai maromak’.
“Iha tinan ida ne’e ami nia ema barak liu kompara ho tinan kotuk liu ba, tanba ita haree situasaun ne’ebé mak hakmatek tanba ne’e na realidade ohin ami hamutuk halibur malu iha loron ohin nian ho tema ba selebrasaun nian transforma ami nia moral para ami moris la bele fraku iha moral liu husi jejum rahmadan ida ne’e katak momentu ne’ebé nakonu ho bensaun ho perduasaun iha asaun pratika ne’ebé mak ami hala’o iha loron sagradu ida ne’e durante 30 dias nia laran ho ida ne’e ha’u espera katak ami bele banati iha ami nia vida liuliu ba ami nia jerasaun sira iha fulan ramahdan ne’e mós hanesan meius ba edukasaun moral, maske agora dadaun sei hala’o estatístika Nasionál Populasaun Musulmanu iha Timor Leste seidauk 100%”. Dehan Sr. Inacio Soares Ba Sapnewstl
“Ha’u nia lia menon ba ami nia komunidade sira oinsa para atu estabelese nafatin paz, domin, harmonia no hakmatek ba ita nia rai doben ida ne’e, ami orgulho tebes ho ita nia demokrasia ne’ebé ita nia governu halo ho estadu demokratiku, laiha diferente entré maioria i minoria iha direitu, liberdade, relisiosa hamutuk ho relijiaun ida ho relijiaun sira seluk ami estabelese asosiasaun turismo relisioju ami musulmanu mos hola parte no ha’u rasik nu’udar eleisaun Presidente Fiskal iha komisaun ida ne’e”. nia hakotu
Jornalista : Sergio Delekuar
Editor : Absalão da Costa Lopes