Seida’uk Iha Serteza Ba Pandemia, MSSI no MS Kontinua Prepara Vasinasaun Kontra Covid19
Sapnewstl– Liu husi Secretariado Gabinete Vise Primeira Ministra no Ministra Solidariedade Sosial no Inkluzaun ho Ministériu Saúde hala’o sorumutu ba kordenasaun komisaun Interministerial Vasinasaun Kontra Kovid 19 Tinan 2022 ba daruak
Tuir Ministra Saúde Dra. Odete da Silva Viegas hateten katak ‘’ ita seidauk iha serteza kona ba pamdemia, entaun ita nia komisaun interministerial mak estabelese husi Sua Excelensia Sr. Ministro nafatin la’o, ne’ebe hakarak hateten katak iha fulan kotuk liu ba, ita hala’o ita nia atividade ou ita nia nasaun nia servisu liliu iha eleisaun prezidensial dala rua tuir malu iha primeira faze no segunda faze.
‘’Maske ita hala’o iha Kosellu Ministru, ita bele halo kona ba asuntu vasina nian iha Konsellu Ministru, maibe liga liu ho komisaun ministeridu ne’e la la’o kuaze fulan ida ka rua, entaun tenki aproveita oportunidade ida ne’e hala’o fali no reativa fila fali enkontru ida ne’e’’. dehan nia ba jornalista SAPNewsTL Iha Salaun Reuniaun (G-VPM-MSSI) Kaikoli-Dili, Terça-Feira, (03 Maiu 2022).
Dra. Odete hatutan katak ‘’ hakarak haforsa liu tan komisaun vasinasaun nian no Ministériu Saúde prepara identifika hela komisaun espesial ida bele tau matan ba atividade vasinasaun COVID 19 iha ita nia rain’’.
‘’Munisipiu balun ne’ebe mak nia atinjimentu sei menuz, oinsa kosellu ida ne’e tau hamutuk ideia atu bele hasa’e kobertura husi Munisipiu sira mak seidauk atinje ninia vasinasaun ne’e, iha tempu hanesan husi organizasaun mundial husu para ita nia nasaun hetan vasina kompletu, pelumenuz Sua Excelénsia hakarak atu hetan 80-85% dose kompletu husi Organizasaun Mundial Saúde (OMS), se karik ita bele atiji 70%. Dehan nia.
Ministra ne’e mos husu ‘’ komunidade sira liliu ba sira front line ba sira ne’ebe servisu besik ho ema hanesan ita boot sira, atu nune’e kompleta ita boot sira nia vasina primeira doze no segunda doze, husu mos ba familia sira ne’ebe moras todan , favor ida fo hatene ba pessoal saúde sira atu bele fo vasina ba maluk sira hela iha uma labele la’o’’. nia hakotu
Jornalista : Justino de Jesus, Absalão da Costa Lopes
Editor : Antonina L. Silva