Presidente AJTL Husu Jornalista Sira Luta Kontra Injustisa no Hasa’e Lialos
Reportagem Jornalista Justino de Jesus, Dili : Presidente Assosiasaun Jornalista Timor-Leste (AJTL) Zevonia Vieira Fo Agradese ba jornalista sira ne’ebe halibur hamutuk halo long marsa no komemora loron Mundial Liberdade Imprensa ba Jornalista sira iha mundo tomak nia luta ba liberdade imprensa liliu iha Timor-Leste.
”Tuir Nia, Durante ne’e Liberdade Imprensa sai hanesan save importante ba ema hotu-hotu iha mundo tomak atu atinji ba sociedade ka informasaun ne’ebe mak tuir interense publiku nian, ita hatene katak mundo tomak iha jornalista barak maka mate maibe laos tamba moras maibe mate tamba hetan ona lakon ne’ebe maka to’o agora lahetan nia familia ezize atu hetan inklui jornalista barak ne’ebe maka fo kontribuisaun ba luta ukun rasik an”.
ʺita hatene katak ita nia kolega barak husi nasaun seluk ida mak Mas Agus ne’ebe mak mate iha apikuru kolega sira ne’ebe maka mate 1999, iha balun to’o obra sira sei moris maibe kondisaun ladun diak tamba impaktu ba sira nia saude, ita nia solidariedade ba sira hotu, aproveita ita mos maske ita nia kolega ka membro AJTL ne’ebe maka lakon laos mate tamba iha luta maibe sira mate tamba sira hetan morasʺ. Dehan Presidente AJTL Zevonia iha nia diskursu, Santa-Kruz, 03 Maiu 2022.
Presidente AJTL Zevonia Vieira konsidera ʺPapel Jornalista ne’ebe importante tebes maka halo advokasia, luta ba direitus humanus, sai ponte ba sociedade, sai lian ba kbiit laek sira, ne’e ita nia servisu ida maibe la’os lian ba interese politiku nian, ba sira nia interese ne’ebe maka hakarak atinji sira nia mehi ida, ne’e la’os jonalista nia papelʺ.
ʺPapel jonalista mak iha tolu ne’e, tanba sa mak luta ba direitus humanus wainhira ema ida sai vitima ba polituku nian sira ninia hahalok ka ninia intensaun hanesan violasaun direitus humanus ne’ebe akontese iha tempu okupasaun ida ne’e mak jornalista sira nia papel hotu, atu luta atu hasa’e lia los ba mundo ba povo tomak katak prezensa responde ba situasaun injustica ne’ebe maka akonteseʺ.
ʺNune’e iha tinan ida ne’e iha topiku global ne’ebe maka dehan jornalismo iha ameasaun digitalizasaun, saida maka ita presiza luta iha era digital primeiro maka ita luta ba injustisa ne’ebe maka karik kolega jornalista sira sei hetan iha tempu covid i to’o agora luta ba injustisa ne’ebe akontese ba media nain sira seidauk tau nia bem estar ba iha sira nia direitu durante hala’o servisu luta ba injustisa ba ema kbiit laek sira ne’ebe maka sira depende ba ita atu hato’o sira nia lian ba estadu preokupasaun ka problema ne’ebe maka komunidade kbiit laek sira hasoru luta ba lia los kontra disinformasaun, mal informasaun liafuan odiu ne’ebe mak akontese iha era digitalʺ.
ʺIta kolega jornalista barak maka sai vitima ba iha asediu online ne’ebe maka hetan ameasa iha social média ne’e ita luta kontra ida ne’e, defende nafatin dignidade jornalista nian no mos kontinua promove liberdade imprensa nian no expresaun hanesan misaun boot ba iha AJTL nian ne’ebe maka luta ona hahu husi 1999, wainhira harii husi fundador sira la’os Timor oan deit maibe kolega jornalista sira Indonesia hanesan Balsemi no mos kolega sira seluk ne’ebe maka fo ninia kontribuisaun hodi harii Assosiasaun Jornalista Timor-Lorosa’e no to’o ohin loron ita nafatin iha misaun ne’ebe maka nafatin atu promove no mos kapasita jornalista siraʺ. Tenik Zevonia Vieira atual Presidente AJTL
Jornalista : Justino de Jesus Soriano
Editor : Marzinha Patricia Hornay