MAPCOMS no Plan Internationál Asina Akordu Ida Kona Ba Protesaun Labarik Feto no Inan Feton Sira Hodi Garante Prinsipiu Igualidade Iha Timor-Leste
Reportagem Estagiária Benezia Mota. Dili , 29 Abril 2022– Ministro Asuntus Parlamentares no Komunikasaun Sosial Sr . Fransisco Martins da Costa Pereira Jerónimo ho Direktor Plan Internasionál Timor-Leste Sra. Dillyana Ximenes Ofisialmente Asina Akordu de Koperasaun ida ho Objetivu atu tau matan ba Perspektiva Protesaun no Asegura Labarik Feto Goza Direitu Ba Igualidade iha Timor-Leste.
Tuir Ministro Asuntus Parlamentares no komunikasaun Sosial Sr . Fransisco Martins da Costa Pereira Jerónimo hateten, ‘ohin ita Asina Akordu Memorandu ida entre Plan Internationál ho Ministériu Asuntus Parlamentares no Komunikasaun Sosial (MAPCOMS) ho objetivu principal ida deit, maka instituisaun rua ne’e bele servisu hamutuk halo atividade ida hodi fo protesaun liliu ba labarik feto sira no inan feton sira iha ita nia rain. Hatete Ministro.
Nia hatutan, asina nota de entendimentu ida ne’e halo, atu oinsá para guvernu liu husi MAPCOMS bele Prepara Kondisaun hanesan Rádio ba sira nu’udar meius ida bele utiliza hodi fo informasaun kona ba Protesaun ba Labarik feto no Joven feto sira ne’ebe dala barak hetan problema oioin iha Timor-Leste. Dehan Ministro Francisco Jerónimo ba SAPNEWSTL iha Palasio do Guverno ohin.
Ministro Asuntus Parlamentares no komunikasaun Sosial Sr . Fransisco Martins da Costa Pereira Jerónimo akresenta, koperasaun entre Guvernu no Plan Internationál ho durasaun tinan tolu no sei bele kontinua ba oin tanba antes ne’e iha ona koperasaun.
Karik ami nia koperasaun ne’e nia kontratu remata, ita tenki kontinua fali hodi hatutan servisu ne’e ba oin, hein katak ho akordu koperasaun ne’e ba oin sei desenvolve diak liu tan saida mak ita hotu hakarak liliu kona ba protesaun ba labarik no inan feton sira. Dehan Francisco Jerónimo iha palásio do Guvernu ba Sapnewstl. Dili, 29 Abril 2022
Jornalista : Benezia C. dos Santos Conzita Mota
Cameraman : Justino de Jesus Soriano
Editor : Ana Soares Ramos