SEFOPE Ho Nia Parseiru Sira Halo Lansamentu Relatóriu Kona Ba Timor-Leste Nia Populasaun Juventude : Dejafiu Empregu ‘Ezplozaun Juvenil’ Iha Timor-Plaza
SAPNewsTL, Dili, 28 Abril 2022 : Sekretaria Estadu Para a Formação Profisionál e Empregu (SEFOPE) servisu hamutuk ho Guvernu Austrália nia Programa Governasaun ba Desenvolvimentu (GFD) ho Programa Desenvolvimentu Forsa Traballu Timor-Leste (WDPTL) ho Austrália nia Universidade Monash halo lansamentu relatóriu kona ba Timor-Leste Nia Populasaun Juventude : Dejafiu Empregu ‘Ezplozaun Juvenil’.
Iha Intrevista ho Directur Executivo Sekretariado Estrategia Jenifer Antonio Da Cruz Pi hateten, ‘Seminar lansamentu relatorio programa pesquisa ida ne’e, liu husi secretariado nia kordenasaun ho parseria sira husi Guvernu Austrália nia Programa Governasaun ba Desenvolvimentu (GFD) ho Programa Desenvolvimentu Forsa Traballu Timor-Leste (WDPTL) ho Austrália nia Universidade Monash, ho hanoin ida atu bele kontribui ativamente ba ita nia desenvolvimentu nasaun nian.
Directur Executivo Secretariado Estrategia Jenifer Antonio Da Cruz Pi ne’e hatutan, Entidade relevante sira ba oin presiza haree setor privado no estado civil atu hare oinsa oportunidade ida ohin iha relatorio ne’e explozaun juventude iha Timor-Leste ne’e tenke haree hanesan obstaklu ida, ita presija haforsa ita ninia politika sira liu liu ba formasaun professional, Nune’e ita nia joven sira bele hetan kapasitasaun no skill ka abilidade ne’ebe diak no kualidade.
Ita Presija haree didiak, nune’e aleinde ita halo politika oinsa it abele iha kriasaun empregu iha rai laran no ita mos tenke iha ona politika oinsa ita bele halo produsaun iha rai laran, tanba ida ne’e mak atualmente SEPFOPE presija halo, maibe dau-daun ne’e la’o hela iha sentru formasaun ida ne’ebe mak fo informasaun ba joven sira. Dehan Directur Executivo Secretariado Estrategia Jenifer Antonio Da Cruz Pi
Entaun ida ne’e hanesan buat ne’ebe ita la’o daudauk, ita presija haforsa liu tan liu liu ba sektor agrikultura tanba ita nia joven sira barak mak la tama iha setor agrikultura, entaun oinsa ita bele halo transmite halo aquicionamentu ba joven sira bele integra iha setor vital sira no ita tenke fo hanoin ba sira katak: setor do grupo ida ne’e mos servisu tenki fo rendimentu ba sira nia moris lorloron. Tenik Jenifer, Dili, 28 Abril
Nia akresenta, Atualmente iha Timor-Leste iha asunto ida ka rua mak fo ona informasaun ba setor agrikultura ida iha Baucau no iha Tibar mos sira hahu ona ho sentru formasaun ba setor agrikultura, ita presija profunda ho didiak, para ke bele produz rekursu humanu ne’ebe kualidade iha ita nia rain, liliu bele halo transformasaun sosial ba ita nia sidadaun sira. Tenik Directur Executivo Secretariado Estrategia Jenifer Antonio Da Cruz Pi.
Enkuantu iha semináriu Lansamentu ia ne’e mos hetan presensa husi Ministro Finanças, inklui ho parseria sira husi Guvernu Austrália nia Programa Governasaun ba Desenvolvimentu (GFD) ho Programa Desenvolvimentu Forsa Traballu Timor-Leste (WDPTL) ho Austrália nia Universidade Monash, Dili, 28 Abril 2022
Reportagem: Antonina Lopes da Silva
Cameraman: Jonh Marito