Rai Nakdoko Iha Indonésia ! Ema Na’in 47 Lakon Vida & 101 Hetan Kanek
Imajem : Edital
SAPNewsTL, Indonesia : Akontese terramotu iha loron 15 Agusto 2026 ho magnitude 7,7 iha Mbay, Kabupaten Nagekeo, Nusa Tenggara Timur (NTT), Indonesia rezulta ema na’in 47 lakon vida, ema na’in 101 hetan kanek no ema liu 5.000 evakua ba fatin seguru.
Tuir publikasaun ne’ebe SAPNews asesu liu hosi Metro TV haktuir katak terremotu ne’e provoka alerta sedu kona-ba tsunami ba área NTT, inklui Manggarai Norte, Ngada Norte, Ende Norte, Sikka Norte no zona tasi-ibun Flores.
Alerta sedu mós ba populasaun sira iha Nusa Temggara Barat (NTB)liuliu Bima no Dompu; no Sulawesi Selatan, inklui Jeneponto, Bantaeng, Selayar, Bone, Wajo, Luwu Timur, Luwu Utara no Palopo, inklui mós Sulawesi Tenggara.
Forsa terremotu ne’e hamosu estraga ba infeaestrutura oioin, uma privadu no edifísiu sira. Estragu ne’ebe grave liu akontese iha Portu Lorens Say, Maumere, Kabupaten Sikka.
Durante rai nakdoko vítima sira hakilar hodi harohan ba maromak no halai namkari tanba trauma no salva ida-idak nia vida.
Video ne’ebe SAPNews asesu hosi ID facebook Clara Tfuakani hatudu katak komunidade balun hetan hanehan hosi beton armadu no komunidade sira halai hodi salva an tanba rai nakdoko makaas no edifisiu sira monu.
Tuir dadu atualizadu liu hosi Badan Nasional Penanggulangan Bencana (BNPB), terramotu M7,7 iha NTT liuliu Nagekeo rezulta ema nain 47 lakon vida, ema na’in 101 hetan kanek no ema liu 5.000 mak evakua ba fatin seguru.
