Joven 1 Hetan Tiru Iha Uatukarbau, Familia To’o Eskuadra PNTL
Imajem : Edital. Foto : Sosial Media
SAPNewsTL, Dili : Ohin mosu kazu ida iha postu administrativu Uatucarbau, munisípiu Viqueque, iha ne’ebé rezulta joven mane ida hetan tiru hosi oknum membru PNTL tanba la uza kapasete iha dalan públiku.
Tuir informasaun ne’ebe SAPNews asesu hosi sidadaun balun haktuir katak kazu oknum membru PNTL tiru joven mane
ida ne’e akontese iha Suku Irabin de Baixu, postu administrativu Uatucarbau tanba kauza hosi la uza kapasete iha estrada públiku.
Kazu ne’e mosu iha oras dadsrsan 08:30, loron 15 fulan Agustu tinan 2026, iha Suku Irabin de Baixo, postu Uatukatbau, asaun tiru ne’e rezulta pistola musan kona nia kabun borus.
Hafoin akontesimentu familia lori ona ba sentru saúde hodi halo tratamentu urgente ba vítima refere tanba hetan kanek ne’ebe perigu.
Entretantu, tuir video ne’ebe viral iha rede sosial hatudu katak família to’o eskuadra Polísia Nasionál Timor-Leste, postu Uatucarbau hodi halo ezijénsia tanba lamenta ho aktu oknum PNTL tiru nia komunidade iha lokal atuasaun.
To’o notísia ne’e publika SAPNews tenta atu halo komfirmasaun ho família vítima no Komandante PNTL munisípiu Viqueque maibe seidauk konsege, nune’e ekipa SAPNews sei halo komunikasaun hodi hetan informasaun lolos hosi akontesimentu ida ne’e.
