Expedito Hasoru Sultan Hassanal, Agradese Brunei Nia Apoia TL Adezaun Ba ASEAN
Imagem : SECOMS Expedito Loro Dias Ximenes komprimenta Sultan Brunei Sultan Haji Hassanal Bolkiah Mu’izzaddin Waddaulah iha Brunei, 08/05/2025. Foto : Média SECOMS
SAPNewsTL, Brunei : Hafoin termina Reuniaun Ministériu Informasaun ASEAN (AMRI–Sigla Inglés) iha Bandar Sri Begawan, Brunei Darusalam, Sekretáriu Estadu Komunikasaun Sosiál (SEKOMS), Expedito Loro Dias Ximenes kumprimenta Sultan Brunei Sultan Haji Hassanal Bolkiah Mu’izzaddin Waddaulah iha ninia rezidénsia.
“Hafoin AMRI, SEKOMS ba hasoru Sultan Hasana Bolkia iha nia rezidénsia hodi hato’o kumprimentus respeitu husi Presidente Repúblika no Primeiru Ministru fo agradese ba Nasaun Brunei Darusalam nia apoia TL adere ba ASEAN.”Sita Média SECOMS Expedito Dias Ximenes iha Brunei, 08/05/2025
AMRI ba dala 17 ne’e hodi apoia Deklarasaun Kuala Lumpur kona-ba utilizasaun seguru ba média sosiál.
“Konferénsia Ministru ASEAN ba dala XVII kona-ba Reuniaun Ministru Informasaun ASEAN (AMRI–Sigla Inglés) no Reuniaun Relasionadu sira remata ho apoiu maka’as ba Deklarasaun Kuala Lumpur kona-ba Utilizasaun Seguru no Responsavel Plataforma Mídia Sosiál ba ASEAN”.
Iha deklarasaun konjunta ba média ne’ebé fó sai iha konferénsia nia rohan, ASEAN repete ninia kompromisu koletivu atu haburas ambiente dijitál ida ne’ebé seguru, inkluzivu no responsavel iha rejiaun tomak.
“Reuniaun ne’e reafirma importánsia hodi promove Komunidade ASEAN ida ne’ebé reziliente no sentradu iha ema hodi rezolve dezafiu sira ne’ebé mosu hosi uzu salam meius komunikasaun sosiál sira, inklui propagasaun hosi informasaun falsu sira, diskursu ódiu nian no esplorasaun online”.
Tuir komunikadu konjunta, AMRI apoia mós “Deklarasaun Bandar Seri Begawan hodi Reafirma Kompromisu hosi Ministru sira ASEAN nian ne’ebé Responsável ba Informasaun ba Avansu Estratéjiku sira iha Mídia no Informasaun.”
Rekorda fali katak Sultan Haji Hassanal Bolkiah Mu’izzaddin Waddaulah hanesan Sultan ba dala 29 hosi Brunei no hala’o ona knaar dezde tinan 1967. Sultan Hassanal Bolkiah hala’o knaar nu’udar Primeiru-Ministru Brunei nian dezde independénsia nasaun nian iha tinan 1984.
Jornalista : Dircia Baptista Belo