Feto Rezistensia Joana Husu Governu Kria Lei Ba Feto Menoridade La’o Kalan

SAPNewsTL, Dili: Relasiona ho feto foinsa’e sira ne’ebe dala barak sai kalan, Feto Rezistensia Joana Diaz husu governu no parte relavante sira  tenki tau lei ba labarik feto ho idade menoridade sira la’o iha tempo kalan, tanba iha tendensia ne’ebe bele lori risku ba minoridade sira

“Ha’u husu ba governu no parte relavante sira hotu tenki tau lei ba labarik feto ho idade 18 tun mai kraik ne’ebe la’o iha tempu kalan tanba agora ne’e ita hare’e labarik feto menoridade barak mak Lao kalan iha oras 11 ka 12 kalan”, dehan Feto Rezistensia Joana Diaz ba jornalista iha sala de CAMSTL Colmera, Dili. sesta (17/ 03/ 2023)

Joana hatutan, nia hakarak atu labarik feto ho idade 18 tun mai kraik labele la’o iha kalan 11 ka 12, governu tenki tau lei ba ida ne’e para hodi hare’e liu labarik feto menoridade sira iha Timor Leste tanba barak mak estraga sira nia futuru ho idade menoridade, nia hakarak ko’alia ida ne’e tanba joven feto uluk ho joven feto agora la henesan no diferensa tebes tanba joven feto uluk luta ba hodi hasoru ukun an maibe joven agora luta hodi habadak sira nia futuru iha dalan klaran.

Nia mos husu ba feto maluk no oan feto Timor Leste tenki sai hanesan feto ida ne’ebe mak iha kapasidade, abilidade no lalenok ba ema husi nasaun seluk, nune’e bele hatudu katak feto mos bele hamriik metin hodi lori Timor ba oin no futuru oin mai.

Ativista feto ida ne’e mos konta katak, iha tempu resistensia nia hamutuk ho joven feto no mane hola parte mos iha manifestasaun pasifika hahu husi igreja Motael ba to’o iha semiteriu Santa Cruz iha 12 Novembru 1991, iha momentu nia hetan fiar husi Gregorio Saldanha hodi dirije orasaun iha Semiteriu Santa Cruz, hodi luta hasoru inimigo sira no Timor Leste bele hamrik mesak iha Mundo ida ne’e.

Reportajen: Antonio Tilman